قربان بلا ذنب

البـارت 31

#قربان بلا ذنب

لتنسون التصويت والتعليق على كل فقرة+متابعة الحساب فضلاً ❤️

"من حنيتك شگِد نبهّتني النـٰاس ..
بس أخجل إگلهمّ گِلبي ما يفهَم !

لـ أيهاب المالكي

*******
سما ::- تنفست بقوة اضيع توتري وافكر شلون راح أدخل عليهم صعبة رجال غريب ولازم تدخل علية وتكعد علمود نتشاوف ، افتريت واكول بيني وبين نفسي يالله عادي هو إني راح أدخل شوية واطلع ميخالف هي هاي سنة الحياة وشيء عادي إذا القسمة صارت نفسة هذا الشخص راح يكون زوجي واعيش حياتي وياه..

شكد احتاجيت ماما وياية بهل يوم بس للأسف ماكو وحتى اخبارها انكطعت عنه لا نعرف عنها شيء ولا هي يمكن تسأل عنه ، إنوب حتى سمار ما اجت ملتهين بخطوبة حماها..

بقيت هيج أهدي بنفسي لحد ما اجت مرت خالوا وياها شهناز..

- يالله سماوي تعاي دخلي وسلمي لا ترجفين شبيج ههههه شني راح ياكلج الولد هي بس تتشاوفون

سما :- مادري خالة شوو مستحية واحسها صعبة شلون ادخل

- عادي حبيبة هذا شرع الله ويسموها شوفة شرعية غير علمودكم واحد يشوف الثاني وإذا رب العالمين كاتب الكم النصيب الحمدلله والشكر

سما :- الله كريم

- يالله تعاي وياي

شهناز جانت واكفة يمي ندستني بيدها تشاورني..

شهناز :- لا تبقين مدنكة ومستحية رفعي راسج وشوفي الولد عدل خوش

سما :- ولجج إني وين وأنتي وين

شهناز :- ياا غير علمودج امدااج هذا راح تعيشين وياه عمر كامل إذا الله راد شوفيه عدل وكون تقتنعين بية

سما :- على أساس ما شفناة من شباك المطبخ أول ما اجوا

شهناز :- ههههه لا هااي الشوفه تختلف حبيبتي

حجتها وهي تغمزلي ضحكت عليها وطفرت من صاحت علية مرت خالوا ، دخلنه وسلمت عليهم مدنكة رحت حشرت روحي بصف مرت خالوا لابدة وراها بدون ما ارفع راسي وأسمع أمه تصلي على محمد ومبين من صوتها مكيفة وفرحانه..

- عين الباردة عليج حبيبة صدك وليدي حيدوري مبخوت وهل طحنالة بيج

سكتت مبتسمة وأحس بروحي متشنجة ومرت خالوا هي الردت عليها رفعت عيني لمحتة كاعد كدامي ومدنك صافن على كلاص الماي شكلة عادي كأي شاب عندة شوارب ولحية خفيفة وبشرتة سمرة وطولة متوسط شفنة اول ما اجوا ، دنكت بسرعة من رفع عينة علية صخااام طاح حظي على هل فشلة ..

بعد ما رفعت راسي ولا شفت شيء حسيت بندسة مرت خالوا وإني عبالك اجاني الفرج اترخصت منهم وفلتت برا گبل للغرفة اجتني شهناز هي وبطنها والضحكة شارگة حلكها..