قربان بلا ذنب

البارت السابع

# قربان بلا ذنب

*******

سما::- قربت امتحاناتنه إني وسيف ومخلصين الوقت بس دراسه لأن بكلوريا..
سمار حتى شغل متخليني اشتغل تكلي روحي درسي معليج بالشغل المهم تجيبين درجات عالية..
وفعلاً نطلع من الغرفه على كد الأكل ناكل ونرجع للكتب ندرس سويه واحد يساعد الثاني وإذا شفنه شيء صعب نروح لو ل سمار لو يوسف..
يشرحوه النه لأن اثنينهم مارين ب وضع الثالث..

مرة جاي ندرس واندك الباب راح سيف يفتحه
شويه واجه وسمار اجت يمنه سألته:

- منو اجه

- واحد جان يشتغل ويه بابا ، اكلج حضري ضيافه حتى أخذها..

- أي هسه بس معرفت شنو يريد

- لأ والله دخلته للاستقبال خل اروح اصيح لبابا

راح كال لبابا ودخلوا للاستقبال وبعدها اجه أخذ الضيافه ودخل يمهم ، باوعت على سمار كلتلها:

- ب رأيج على شنو جاي

- معندي علم هو بابا غير ترك الشغل المن جاي

- هسه يروح ونشوف شكو

بقينه كاعدين وننتظر يروح حتى نعرف شكو
شويه ورجع اندك الباب أكيد يوسف اجه من الامتحان..
وفعلاً طلع سيف فتح الباب واجه مباشرةً دخل للاستقبال..مطول الرجال نص ساعه مرت وسمعنه صوتهم طلعوا وراء...

دخلوا وجوههم مغيمة ومبين عليهم مغثوثين وضايجين ..اتلكتهم سمار تسألهم:

- خير بابا على شنو جاي هذا الرجال

- بابا إني رايح اتمدد خل يسولفولجن اخوانجن...
راح لغرفته ويوسف وسيف يباوعون عليةه وهمه ساكتين بس دخل وسد الباب رجعت سمار باوعتلهم:

- شبيكم وجوهكم انكلبت شصار وشكالكم هذا الرجال..

_____________

يوسف::- ورا ما سلمت وكعدت..
حجه الرجال:

- والله يابو يوسف مادري شلون اكلك بس كلت لازم انطيك علم بهل شيء..

- أي حجي كول شنو هل شيء

- اجه قرار لمكان العمل مالتنه أنو انقطع راتبك

بقينه ساكتين وعيني راحت على ابوية اشوفه ساكت ومدنك...حجيت إني ويه الرجال:

- ليش انقطع شنو السبب

- ابني لأن والدك ما يداوم وأكيد انتوا تعرفون أنو المكان إلي نشتغل بيه مو حكومي ولا ب شهادة
ف لهذا قطعوا الراتب مالت ابوكم
وكلت اجي اكلكم..

- رحم الله والديك عمي ما قصرت ومشكور تعبناك

- لأ ابني شسالفه هسه شسويت انه ، يالله اترخص منكم..

- ابقه للغدا عمي

- مشكور وليدي لازم اروح لأن اجيت من الشغل الكم
مع السلامه أبو يوسف ولا تضوج أن شاء الله تفرج دام الرزق بيد رب العالمين