BAKAS NG KAHAPON [COMPLETED]

EPILOGUE

"You can do it, hon. I have no doubt about that. And you must understand that I am a very shrewd businessman. I wouldn't place anyone in a position in my company if I knew they couldn't perform. At wala akong pakialam kung ang anyone na iyan ay ang napakaganda at sexy ko pang asawa," nakangiting sabi sa kanya ni Rorik habang hinahagud-hagod nito ang gilid ng kanyang pisngi. May kislap ng kapilyuhan sa mga mata nito bago bumaba ang mukha at masuyong humalik sa kanyang mga labi. Hindi niya naiwasang pumikit.

Czarina scowled at Rorik after the kiss. Kunwari'y hindi niya nagustuhan ang pambobola nito.

"Inanakan mo na ako ng dalawa pero hanggang ngayon ay binobola mo pa rin ako. Baka maniwala ako niyan? Ikaw rin. Malulugi ang negosyo mo."

"Sino'ng may sabing nambobola lang ako? At bakit ko hahayaang malulugi ang negosyo ko? You know me well, hon."

Hindi na napigilan ni Czarina ang mapangiti. Totoo nga naman. Lahat ng hinahawakan nitong negosyo na iniwan dito ni Don Jaime ay malayo na ang narating. Katunayan, umabot na nga sa ibang bansa sa Asya ang mga projects ng kanilang construction company. Hindi lamang iyon. Ang dating iisa nilang bangko sa Batangas ay nadagdagan ng limampo pa na nagkalat na sa iba't ibang bahagi ng bansa.

"Sige na nga. I am accepting the position."

Napasuntok sa ere si Rorik at siniil siya agad ng halik sa mga labi.

"That's my baby girl," sabi pa nito pagkatapos.

"We have one problem though, the job is based in Manila. Hindi pwedeng nandoon ako five days a week at uuwi-uwian ko lang dito sa Bataan ang dalawang bata. Ayokong ipagkatiwala nang lubusan si Rory at Erik sa mga yaya nila."

"Sino ba naman ang maysabi sa iyo na gagawin mo iyan? The renovations of our house in Ayala Alabang is done. Doon tayo titira. Uuwi-uwian na lang natin ang bahay dito sa Bataan. Pumayag na ang Tiya Linda na dito na sila pumirme nila Kuya Homer, ang panganay niyang nabiyudo kamakailan. Pumayag na rin ako na dalhin ni Kuya ang mga anak niya dito sa mansion. That is if --- okay lang sa iyo." Sa puntong ito medyo nag-alala si Rorik. Napansin din ni Czarina na mukha itong guilty. Tinapik niya agad ang pisngi nito at in-assure na wala itong ipag-aalala.

"After what Erik did for us, kahit lahat pa niyang kapatid ay tumira rito, wala akong pakialam. They are all welcome here. Kampante ako na kaanak mo ang titingin-tingin sa bahay na ito. Saka, okay na rin na may tao rito habang nandoon tayo sa Manila."

Napangiti nang maluwag si Rorik. Tila nabunutan ng tinik.

"If that's the case, isasama ko na rin si Kuya Homer at mga anak niya sa biometric verification program sa lahat ng locks dito sa bahay pati na sa basement."

"Go ahead."

Niyakap siyang muli ni Rorik at masuyong hinagkan sa noo bago hinugot ang cell phone sa bulsa ng pantalon. Mayamaya pa ay kausap na nito ang pinsan.

**********

Nag-atubili nang kaunti sa pagpasok sa dating pinagtatrabahuhan si Czarina. Nag-aalala siya sa maaaring reaksyon ng mga dating kasamahan. It has been a long time. Naka-retire na sina Ed Santos at Emily at nangibang-bansa naman ang iba, subalit marami-rami pa rin daw sa mga dati niyang katrabaho roon noon ang nandoon pa rin. Kompleto pa raw ang grupo ng Tres Marias. Si Diva ay pinuno na ng news department. Si Luisa naman daw ay nilipat sa marketing. Ginawa rin daw itong head doon dahil very effective sa paggawa ng mga marketing strategies to make their papers popular among the Gen-Z's. Si Wynona nama'y managing editor na.

Si Wynona...Napabuntong-hininga si Czarina.

Sa lahat ng mga dati niyang katrabaho, kay Wynona siya medyo namomroblema. Ever since kasi'y tinik ito sa kanyang lalamunan. Tapos ngayo'y magiging katuwang pa niya sa pagpapatakbo ng newspaper at weekly magazine ng kompanya. Nakikini-kinita na niyang magiging riot lagi ang kanilang pagsasama. Marahil sasalubungin siya ng bruha ng kung anu-anong insulto at sasalungatin ang lahat niyang maging desisyon. Baka ipamukha pa sa kanya na kaya lamang niya nakuha ang posisyon ni Ed Santos ay dahil asawa niya ang major stockholder ng Fajardo Media, ang siyang nagmamay-ari na ngayon ng halos otsenta porsyento ng shares ng newspaper and magazine nila.