ماعاد ابي لجروحي أبرة مهدي..

3

بارت3

مو كذب أو خيال أو حلم..
صرخت با أعلئ صوت عندها  وبكت بشكل هستير بكت بقلب
محروق؛
جو عماتها وخالأتها و الكل كل العائله حتى أم و خوات المجرم إلي صار بعينها قاتل أبوها، من هذاك اليوم ماعاد شافته ولا سمعت عنه او اذا احد جاب سيرته
تروح وتخلي القعده لهم واهلها فهمو عليها وماعاد
جابو سيرته في البيت من بعد
موت أبوها..
رجعت للواقع، من طق الباب إلي ابعد تفكيرها، قامت بتعب باين وعيونها زي الجمر فتحت الباب. ودخلت أختها غرور الغرفه وهي تناضر الغرفه الي كانها كهف
من الظلام، الستاير منزلتها وسرير معفوس وملابسها مرميه على الأرض والمرأيه مكسوره
وكل الي على التسريحه مكسر قطع صغار...
غرور بحنيه قعدت جنب مناهد وهي تمسح على شعرها
:حبيبتي ليه تسوين كذا في نفسك وفينا، أمي قبل شوي كانت تصيح على حالك أنتِ ترضين تزعلين
أمي، والله يزعل عليك؟
مناهد وهي قاعده على طرف السرير و صوتها مبحوح :لا..
غرور :طيب ليه تزعلين أمي
وتخليها تنام وهي تصيح..؟
، كافي أبوي إلي مات وخلأنا أنتِ
بعد تبي تحرقين قلب أمي عليك، ومازن كافي عليه شايلنا على رأسه ويجي البيت تعبان وأنتِ تحزنيه على حالك، ترا كلنا رح نموت ماحد باقي إلا الي خلقنا على هذي الارض،
كلنا رح نموت وكل شي مقدر و مكتوب..!
مناهد في نفسها :أي أعرف أن كلنا رح نموت بس مو مثل موته أبوي، ينقتل على يد أبن أخوه شي ابشع
من البشاعه نفسها. 
وقالت بدون نفس :أعرف
غرور برجه تبي تغير الجو :تر والله حرام هذا الجمال كله مايبان بسبب التكشيره، شوفي كيف ضعفانه حيل
حتى الي بافريقياء مو نحاف هل قد هههههه..
مناهد بابتسامة من غير نفس :
من ذوقك..
غرور وهي تمسك خدود مناهد : يالبى المبسم أنا، يالله قومي أنا رأيحه السوق اليوم بتروحين معي.؟، ترا ماصارت قاعده لك سنة ما تعرفين حتى الشارع بس من الدكاترة النفسيين إلى البيت وتناضرين في الارض بعد، ههههههه يالله والله أزعل عليك وعشان أمي تفرح لنك رح تخرجين معي يلّا عشان خاطري، و أبوي لو عايش
ما كان رح يرضاء بلي يصير الحين.!
مناهد بقله حيله :طيب، البس عباتي بس واجي لك لتحت..
غرور باستها بقوه و وخرت عنها :يالله انتظرك تحت، ياويلك لو تاخرتي طيب..؟
مناهد :طيب.
رأحت غرور تركض غرفه أمها.
هي بس كانت خطه منها
أنها تروح هي و ياها السوق
بس ماتوقعت ترضاءبسهوله كذا
وما قالت لأمها.
دخلت الغرفه برجه حتى
من دون ماتدق الباب :يمه يمه، عندي لك مفاجأة..!
أم مازن كانت تقرأ قرآن انفجعت من صوتها :وي الأ مفاجعه، وش بلاك طار عقلك...!!!!!
غرور بزعل :يمه وهذي جزاتي إني جيت ابشرك أن مناهد قبلت
تروح معي السوق، وجيت أقولك إني أنا وياها بنروح السوق،
قولي لمازن يجي يودينا..
أم مازن بفرح : أحلفي، يعني بتخرج من البيت..؟!
غرور :إيه..
أم مازن بفرح :الحين أدق عليه
يجي طياره بعد..
أخذت أم مازن جوالها ودقت عليه وسمعت صوته...
مازن :هلا يمه.؟
ام مازن:هلا قلبي، تجي الحين تودي خواتك المول، الحين لو تاخرت ياويلك مني..!
مازن باستغرب :خواتي.!؟
من غرور المرجوجه..؟
أم مازن:إيه غرور و مناهد أختك، غرور اقنعت مناهد تخرج معها،
الله يجزاها خير...
مازن :مسافه الطريق و أنا عندكم يلّا مع السلامة..
أم مازن :بحفظ الله..
غرور :ها وش قال بيجي ولابيتاخر زي كل مره
أم مازن :لا الحين بيجي، روحي البسي وشوفي اختك..
غرور وهي تخرج من الغرفه :تيب عطينا فلوس ولا نروح كذا...؟
أم مازن تمد لها الفلوس إلي في الكمودينه :خذي بس ياويلك لو ماشرت مناهد شي...!
غرور وعيونها شوي وتخرج
:يمه الفين ريال ليه...؟
، ماعندنا عرس ولا عشان مناهد بتروح، اااخ من الظلم.!!
أم مازن :أشتري لها الي تبي
وتختاره فاهمه..!
غرور بزعل :طيب، يلّا باي.
أم مازن :مع السلامة.
بعد خمس دقايق نزلت مناهد وهي لبسه العباية والبرقع مع غرور.
خرجو من البيت لان الخدامة
تقول انو مازن جا، شافو سياره برى البيت، وركبو وراء..
غرور : السلام عليكم. 
مازن يناضرهم :وعليكم السلام، مناهد تعالي قدأم..
مناهد بكل هدوء نزلت من وراء وركبت قدام..
مازن بابتسامة :هاه وش تبون أوديكم من مول..؟
لو تبوني اوديكم مولات الدمام
كلها آمروني بس..
مناهد. بابتسامة:  ما يآمر عليك عدو..
غرور و رأسها عندهم : نبي المول إلي نروح له كل مره..
مازن :من عيوني.
مناهد بخجل :تسلم عيونك...
وصلو المول، نزلو البنات من السيارة..
غرور شافت مازن ينزل معاهم وبرجه كلمعتاد :وين وين وين..؟
مازن يناضرها بنص عين: وش إلي وين، بروح معكم ولا أيش رأيك يعني..؟!
( وبنبره حاده غريبة عليه )
:  يلّا قدأمي..!!
غرور مشت وهي تتحلطم..
مناهد وبعد غياب الضحكة سنة كاملة عن وجها ضحكت من قلب على غرور و مازن :هههههههههههه..

غرور سبقتهم بكم خطوه ولما سمعت ضحكه مناهد لفت لها بصدمه وفرحه؛ لنها ضحكت
، أصلاً نست كيف تضحك..