ماعاد ابي لجروحي أبرة مهدي..

5

بارت5

عشان أمها لتضيق عليها أكثر :طيب يمه بكرة اروح أن شاءالله.
غرور طبعاً بعد ماشافت
أمها تقعد مناهد معها أشتغل
عندها عرق اللقافة، وقعدت قدأمهم على كنبه منفرده،
تسمع الكلام وهي مايدة رئي أمها وفرحت أن مناهد بتروح المدرسة من بعد غيبه سنة :واي وناسة

...
سبحان الله  
الحمدلله
الله أكبر
لا آله آلا الله
...

اليوم التالي:

: يمه خلاص قومي كفاية نوم
ورئك مدرسة، يلّا غرور وصمخ
أن شاءالله، قومي فشلتينا السواق اكلته الشمس، وأنتِ ماقمتي..!!
(دفتها بقوه ): غرررررور يلّا قومي يلّا قدأمي، والله انا اجي وأنتِ نايمه إن اذبحك، شوفي أختك صاحيه من
بدري، وأنتِ إلي متعود تروحين
كل يوم مو مثلها نشيطه، أقول يلّا قومي
غرور طاحت لما دفتها أمها من السرير وهي كلها نوم و تعب : يمه، وش دخلني فيها، بس خمس دقايق خلني أنام شوي..!!!
ام مازن : الخمس دقايق هذولي بينفعونك بلبسك، يلّا قومي والله ثم والله أن ما نزلت و رجعت مره
ثانيه، وأنتِ مالبستي لا أكون ذابحتك...!!!!!
وخرجت وهي تتمتم : اللهم طولك ياروح الله يصبرني عليها بس..
إما غرور خذت غفوه على الأرض، و قامت مفزوعه خافت من تهديد أمها، قامت تركض الحمام
( أكرمكم الله) إلي في غرفتها.. 

خرجت من الحمام صلت الفجر ولفت شعرها الطويل باهمال ولبست المريول ولبست العباية ولفت الطرحة باهمال، شالت شنطتها في يدها و البرقع...
وقفت عند الباب ولفت كانها
فاقدة شي ناظرت المرأيه
حقت الدولاب بابتسامة :
الحلو حلو، لو يقوم من النوم،
يازيني بس...
وعطت انعكاس نفسها في المرأيه بوسه في الهواء: امووووح
ونزلت الدرج وهي تركض
ناظروها كلهم..
غرور وهي ترمي شنطتها على الأرض وقعدت على طاوله الأكل : صباح الخير، يمه صبي لي عصير برتقال..
مازن وهو ياكل تست :صباح النور والله أنك مرجوجه، لو دخلت رأسك مالقيت ذره عقل...
غرور وهي في فمها الأكل :
خلينا العقل كله لك اقول...
مازن قاطعها وهو متقرف منها :بس، الله يقطع بليسك أكلي زين لاتشرغين الحين علينا وتموتين..
أم مازن وهي تناظرهم :
ماتجوزون عن ذي حركات كل يوم، شوفو أختكم الصغير أخذت كل
العقل أسم الله عليها...
مناهد تآكل بكل هدوء وتناظر بصحنها وهي ما أكلت إلا نص توست و كاس عصير وقامت
:يلّا تاخرنا..
غرور :طيب..
(وهي شايله في يدها تست، تسوي
داخله جبن وشربت شويه عصير ): يالله باي...
أم مازن :مع السلامة..
مازن قام :يالله يمه تاخرت على الشركه، لو تشوفين الملفات الي متراكمة، كله بسبب بناتك، وطلعة السوق أمس، يلّا كل شي يهون عشانك وباس رأسها...
أم مازن:  ليه أنتَ بس بالشركة..؟
أن اعرف أن المدير يقعد
على الكريي وبس.. 
مازن :ههههه وش يسوي يقعد يلعب بلستيشن، لا  الغالية المدير يشيل الشركه على رأسه، يالله تاخرت....
أم مازن :الله يحفظك في أمان الكريم...
خرج مازن ورأح متوجه لشركة..

بعد المدرسة:

رأحت مناهد مدرسة غرور لأن مدرسة غرور ثانوي و مدرسه مناهد متوسط، وكان اليوم ملل، وما اختلطت بأي أحد في الفصل وهذا كان قرارها ماتختلط بأي بنت بلمدرسة وماتكلم أحد،
ومشى اليوم على خير..
رأحت البيت بتعب أول ما دخلت صعدت غرفتها نامت إلين العصر، بعد ماصلت الظهر قبل ما تنام، بعدها قامت صلت العصر
و لبست بجامه شورت فيها
دبدوب كيوت وعليها طاقية و البلوزة طويله شوي تحت الركبة، وهي مرة قصيرة بأن كأن
عمرها عشر سنوات، ناظرت نفسها في المرأيه مشطت شعرها وسوته ذيل الحصان مرفوع مره، وما نزلت غرتها أبداً وطلع شكلها مره كيوت.
نزلت تحت لأن أمها تناديها على الغداء و هم يتغدون دخل مازن
:السلام عليكم
الكل :وعليكم السلام
أم مازن :هلا يمه، تعال أقعد، جيت بوقتك..
مازن :لا يمه، بروح اتغداء مع الشباب  وبنروح المطار
مع حمد أبن عمي سعد..
كانت تاكل وطاحت الملعقه
من يدها اصدرت صوت قوي
و الكل طالعها..
أم مازن :يمه تعورتي..؟!
مناهد بصوت مخنوق ماسكتها الغصه :لا.
أم مازن تكلم مازن : وين رأيح..؟
مازن :رأيح يدرس جامعة في باريس.

مناهد تبي تقوم من السفره وتروح تصيح، بس خايفة لا أحد يشك فيها، اصلاً الكل ملاحظ تصرفاتها لو
أنذكر أسمه في البيت، وكل مره أمها تسالها عن الموضوع بس ماترد عليها..
أم مازن بطيبة قلب :اها، الله يوفقة، بتوصلوه المطار..؟
مازن وهو يصعد الدرج: إيه ببدل
و أروح مع الشباب..
.....
استغفرالله العظيم و أتوب إليه..
.....

بعد(  ٨ )سنوات

خرجت من الحمام ( أكرمكم الله)
استشورت شعرها إلي وأصل
لتحت فخذها من الماء، فتحت الدولاب تناظر أيش احلأ فستان عندها، خرجت فستان كركمي طويل، فيه فكه لين الركبة، مفتوح لنص الظهر، صدره كاشف شويه بس مو كثير، و مكمم..
رأحت الجهه الثانية من الدولاب فتحته خرجت من صندوق المجوهرات والاكسسوارات،أخذت "حلق" أسود طويل و خاتم ذهب فيه فصه ذهب،أسود كبيرة،
خرجت الا...