ماعاد ابي لجروحي أبرة مهدي..

65

بارت 65.
.
.
.
.
..
.

.......

صباح يوم جديد "..

قد يكون نقطه وصول لـ النهاية القريبة..

قد يكون محزن لـ أشخاص...

وقد يكون سعيد لـ أشخاص آخرين..

أعزائي القرائ شدوا حزام
الأمان اللأحداث القادمة..!!

....

:السلام عليكم..

ابو حمد :ياهلا والله أرحبو ارحبو 
ياهلا بشيخ مسجدنا ياهلا...

عبدالله شيخ وخطيب المسجد
بابتسامة بشوشه : الله يحييك ويبقيك.

. بعد القهوة و الحلى..

أبو الشيخ عبدالله : حنا جايين يأبوحمد
نطلب القرب منك و نتشرف بنسبك..
ماهي ثواني إلا يدخل بابتسامه :
السلام عليكم ي رجاجيل..
الكل : وعليكم السلام ي الله حيه..
ابو حمد بابتسامه : ي هلا بمنصور
حياك أدخل..
منصور دخل وسلم على الموجودين..
: والله ياعم أبيك بكلمت رأس..
ابوحمد بستغراب: تكلم يبوك أن
كأن تبي شيء، محد غريب هذا
أمام مسجدنا وهذا أبوه..
منصور : دامك مصر ياعم فإنا
بغيت القرب منك و إبي بنتك حليله لي.
ابوحمد بدهشة : والله مدري وش
أقول أنتَ من تبي منهم..؟
لأن الشيخ جاي يخطب ونسبه
ينشري بالذهب وماني براده..!
و أنت ولدي إلي أحبه أكثر من عيالي..!
أبتسم عبدالله و أبوه : ماتقصر ي أبوحمد..
منصور بلع ريقه : والله ياعم إبي بنتك الكبيره..
عبدالله بابتسامة: وأنا ياعم إبي بنتك الصغيره..
منصور طالع له وبتسم بحب و أمتنان
ابوحمد بابتسامه: ولكم مابغيتوا
والله ماينرد واحدٍ منكم من مجلسي..
ابوعبدالله : أصلك طيب ياولد الاجواد
مير اسأل البنات وشاورهم أول..
ابوحمد. بابتسامه: أكيد، الحين يجيك الرد..

وقام وراح لصالح وناداهم ونزلوا يركضون..

.ــــ...ــــــ
كلهم : هلا يبه أمر..؟
ناظر دعاء بحب : اسمعي ي بنتي في رجالٍ
في مجلسي يبي القرب منا وأنا عطيته..
دعاء ناظرنه بصدمه : انااا..!
ابوحمد بضحك : مهوب غريب ي بنيتي
هذا ولد عمك، منصور جا من الرياض يخطبك.
دعاء استحت وأ حمر وجهها.
و مانطقت بكلمة..
ابوحمد : ردي  ي بنتي الحين..
دعاء بخجل: مالي شور بعد شورك..

اشواق كاتمه ضحكتها وبقوة
على ملامح دعاء الخجوله...
ابتسم ابو حمد ومسح فوق شعر بنته بحنيه
: كأنه بشوري فإنا موافق والله يتمم على خير..
ام حمد بفرح : كللللللللللللوش...

هنا أشواق انفجرت تضحك عليها
لما شافتها استحت تبي تحرجها أكثر...
دعاء من الخجل صعدت فوق بسرعه..
ابوحمد بضحك : وش فيك تضحكين..؟ جايك دوراك...
اشواق : هههههه لا أنا توي صغيره..!
ابوحمد : هههههه محد صغير
ي بنتي، وفي رجال طيب في وسط
مجلسي يبي القرب وعطيته..؟
اشواق فتحت عيونها بقوة : أناااا..؟!
ام حمد ضحكت : وش فيكن علقتن..
ابوحمد بضحك.: هذا الشيخ عبدالله
أمام مسجدنا يبيك على سنة الله و رسوله..
اشواق قلبها شوي ويوقف:
يبيني أنا..؟
ام وابو حمد بضحك :
إيه وش قلتي يبي الحين الجواب..؟

أشواق وجها «طمام» أحمر كنه اشارة
مرور  بس قالت : الشور شورك يبه...

الكل ضحك عليها حتى دعاء كانت
تسمع من فوق ونفجرت تضحك
عليها بشماته أن الله رد حقها بذي السرعة..

إما هي وجها خلاص راح.. وصارت
تمشي لـ الدرج بأسرع ماعندها...

إما ابو حمد راح لهم وقال لهم عن
موافقه البنات.. وتموا كل شي
والمهر والملكه بنفس اليوم بعد شهرين،
والعرس بعد سنه من الحين...

..

إما عند البنات قاعدات يضحكون
من قلب مو مصدقين كل وحده تحب خطيبها بس كانو يعتقدون انه
حب من طرف واحد وفيهم فرحه لاتوصف..

طبعاً الخبر أنتشر عند الكل
عن الخطبة..

.....