ماعاد ابي لجروحي أبرة مهدي..

25

بارت 25

ماريا : والله ياطويلات العمر، لما كنت بصف الأول ثانوي، بمرة كان  في أختبار الدين، كنت قاعدة وقدامي صديقتي و وراي زميله لي، هذي الزميلة الله لايذكرها بالخير كانت تغش مني مع اني هذاك اليوم
مو مذاكرة لصراحة، وصديقتي الي قدامي تكتب هي كمان مو مذاكرة
بعد، بس ماعندنا غير الله نتوكل عليه، الابله حقتنا كنت اكرها كرة مدري لية بس مو هذاك الكرة، يعني احسها ماتفهم و ماتشرح
زي الناس وتكرر جملة ميه مررة، وصرت حفاظتها، المهم مالكم
بالطويلة كملت الاختبار و الابلة شطبت على أوراق بنات خلال
فترة الاختبار و اولهم الي كانت تغش مني البنت الي وراي.،  أنا وصديقاتي يعني حناء بصف واحد يعني ورا
بعض وكان عددنا ثمان صديقات يعني شلة و يسمونها البنات
"شلة الفساد "في الفصل يعني كل وحدة وراء الثانية هو بس كذا نظامنا، بس الابلة اعتقدت
العكس ظنت أنآ نغش من بعض اشرت على صديقتي الي كانت
قدامي و علىِّ، و كانت في بنت تكتب اسماناء وراءها
الابلة: الشلة كلها توقف..
فانا قلت: لية وش سوينا..!؟
الابلة: امشي قدامي على الإدارة..!
انا هنا عصبت: ولية ان شاءالله وش سوينا...!!؟
الابلة: قدامي على الإدارة وبتعرفون هناك..!
خرجنا من الصف وكل البنات يطالعونا مستغربات المهم خرجنا وحنا في الممر..
قلت وكنت الأقرب لـ الابله: يابله وش سوينا..؟
الابلة قلبت عيونها بطريقة استفزتني ومشت عني و قالت لوحدة تدخلنا الإدارة..
صديقاتي كانوا مستغربات ومعترضات على قرار الابله المفاجاء، وأنا شوي وانفجر، أنآ من النوع العصبي دمي حامي امشي
في الممرات وأنا اتوعد فيها، وأنا مابعد عرفت شيء، المهم دخلنا الإدارة و البنات الي الابلة سحبت الأوراق عليهم في الختبار
كانو موجودين معنا في الادارة..
المدير: خير أن شاءالله وش عندكم..؟!
انا: والله ماندري!!
البنت الي الابله وصتها تدخلنا الإدارة
وماتخرج لين تجي: الابله تقول رح تجي الحين..
بعد دقايق من الوقوف والكل مستغرب وجودنا في مكتب
المديرة الي كانت الوكيلة فية و ابلتين بعد، جت الابلة حقتنا..
المدير:  ايوه وش مناسبة الاجتماع هذا..؟!
الابله: هذول غشاشات يغشون في الاختبار..
؛ أنا هنا انصدمت أنا وصديقاتي جتني حالة ثوران : يابلة والله ماغشيناء كذابة...!
المديرة: اسكتي من سمح لك تتكلمين، أنتِ من بنته..؟
انا هنا خفت يعني لو قالت لأمي رح تقتلني، و لفيت وجهي للباب..
المديرة بصراخ من طريقة تجاهلي لها: الحين اكلم أهلك و تاخذين ملفك وتخرجين من هنا..!!
جتني نوبة خوف الله يعلم فيها أنا خفت بمجرد ماقالت بتكلم أمي، كيف لو انفصلت مع اني ماقلت شي يدعوا إلا كل هذا الغضب من المديرة..
صديقاتي ثنتين كانوا دئماً ينسحبون الى الادارة بسبب اهمالهم
او الرسائل خلال الدرس عبر الأوراق، و أكثر من معلمة اشتكت عليهم خلال هذا الترم، والمديرة كانت دئماً تهددهم انهم رح يفصلونهم من المدرسة فصل نهائي.
الوكيلة: انتوا ماتفهمون قلنا ماتنتبهون على دروسكم
وسكتنا، إما انها توصل فيكم إلا الغش فهذا شيء كبير....!!
وحدة من الثنتين الي دئماً في الادارة كانت دئماً تقهرهم كانوا يتكلمون من هنا وهي تضحك أو تبتسم من هنا وعجزوا فيها لأن معها أسلوب للرد ولسانها مشاءالله وش طولة،
إما الثانية صح تتكلم بس ماتعرف ترد وهادية بس في الدرس تقعد تلعب على الورق..
صارت صديقتي الهادية تترجاء المديرة ماتكلم أبوها لأن أبوها شديد بخصوص المدرسة؛ وتبكي
المديرة: عطيني رقم ابوك بسرعة..!
صديقتي الهادية وهي تصيح: ارجوك والله آخر مرة اجي الإدارة بس لاتكلمي أبوي...
أنا و البنات صرنا نحلف للمعلمات الي قاعدين ونقول أنآ ماغشينا
بس محد يرد علينا..
كأنت جنبي صديقتي، كانت ضعيفة
وحساسة وبعد الي صار، صارت تبكي وتشاهق وكانت واقفة جنبي، أنامن كثر الخوف الي فيني صرت ابكي معها و اشاهق..
والمديرة عصبت منا و صديقي
الي لسانة طويل جت يمنا
صديقتي: وش فيكم انتوت اغبياء لية تبكون..؟! وصارت تمسح
دموعي وترفع رأسي بعد ماقعدت على الأرض من كثر البكي أنا و صديقتي الضعيفة مع أني كنت أجرئهم و أقوئهم يعني ارد على الناس و مابكي بسهولة لو وش يصير، بس من الخوف الي فيني صرت أبكي  بقوة..
دخلت علينا ابلتنا حقت الإنجليزي،
هاذي الابله عاد تحطينها عل الجرح
ويبراء مررة عسل كان اسمها أمال
:  خير يابنات وش فيكم...!! 
وحده من صديقاتي: يا أبله كنا نختبر خلصنا اختبار وجت ألابله سحبتنئ على الإدارة جينا هنا و أتهمتنى أنآ نغش في الاختبار بدون دليل...!
ابلتنا الكريهه: يكفي عيوني شفتكم ونتوا تتهامسون..
أنا بانفعال: كذابة والله ماغشينا..!