ماعاد ابي لجروحي أبرة مهدي..

46

بارت 46

اليوم الثاني..

من بعد ماجابوا بعض الحريم المعروفات رقم ام سمية.
دقت عليها ام متعب

ام متعب: السلام عليكم.
....: هلا والله، وعليكم السلام.
ام متعب: كيف الحال، عساك بخير.
ام سمية: الحمدلله بخير، الله
يسلمك بس المعذرة ما عرفتك..؟
ام متعب: أي وأنا خويتس ماتعرفنا،  انا ام متعب ال...
أم سمية باستغراب: والنعم والله.
ام متعب: الله ينعم بحالك، بس بغيت اقولك آنأ نبي القرب و طالبين بنتك سمية على
سنة الله ورسولة لولدنا متعب ونبي منكم موعد هاذا بعد اذنكم نشوفها..
ام سمية بفرحت أي ام بنتها تنخطب: والله يا ام متعب ونعم فيكم، بس الشور شور البنت
ابوها وأنا من عندي ماعندي مانع.
ام متعب: الله يخليك ويبقيك أجل
لو صار شي ردي علي من هذا الرقم.
ام سمية: أن شاءالله، الله يكتب الي
فية الخيرفي حفظ الله.
ام متعب: آمين مع السلامه.

وسكرت الخط

ام سمية كانت تكلم ام متعب وهاجر عندها.
هاجر: يمه وش الي الله يكتب الي فية الخير..
ام سمية بابتسامة: والله وكبرتوا
يابنات وصاروا الخطاب يجونكم
هاجر: بستهبال: يمه مووووفقة موفقة..
ام سمية بضحك على بنتها المهبولة: اهجدي ياقليلة
الأدب يلي ما تربيتي..!
سمية كانت نازلة من الدرج : صباح الخير..
هاجر: صباح الخير ياعروسة
سمية ناظرتها بضحك: يالله صباح خير..
ام سمية بابتسامة: تعالي يمه، تعالي مالك فيها..
هاجر بشهقة تستعبط: هاااااا  أنا الي
مالها فييني، لااااا أنا كذا ازعل..!
ام سمية بضحك: ياربي منك، اقولك
انقلعي غرفتك يلا قدامي..
هاجر باستعباط: لاااا يمه خلاص أخرى مرة بلللليز..
ام سمية: انقلعي عن وجهي..!

هاجر ضحكت هي وسمية على شكل امهم المعصبة وصعدت فوق.
سمية قعدت جنب أمها: وش فيك يمه..؟
في بئك كلام على قوله أخوننا المصريين
ام سمية بابتتسامة: ههه والله ياسمية
كبرت وصار الخطاب يجونك..!
سمية خافت ماتدري ليه بس
  نفس الوقت خجلت من أمها.
ام سمية: تو مكلمتني أم المعرس تقول
بتجي تشوفك لو أنتِ و ابوك موافقين..
سمية بحياء: طيب ابوي وش رائيه..؟
ام سمية بفرحة: أنتِ مواقفة لو ابوك موافق..؟
سمية بخجل: أكيد يمه لو ابوي يشوفة
الشخص المناسب لي، انا مواقفة.
ام سمية طاحت منها دمعة: الله يوفقك يمه..
سمية: يمه ليه الدموع..؟
ام سمية بابتتسامة: هههه من
الفرح يمه، دموع فرح والرجال
ماينعاب دكتور مشاءالله عليه ومتخرج..
سمية بابتتسامة متوترة: الله يكتب إلي فيه الخير.
ام سمية: امين يارب، بس أنتِ بعد صلي استخارة
و إذا ارتحتي الله يوفقك و إذا مارتحتي الله يوفقك بعد..
سمية حضنت امها: آمين يارب.

اليوم الثاني...
ام سمية قالت لـ أبوصالح كل شي وطلع
أبو صالح يعرف أبو متعب وكانوا اصدقاء وسأل عن متعب
وقالو أنه ينشري بالذهب..
وسمية استخارت ورتاحت وهي للحين
ماتعرف انه زميلها في المستشفى.
أو المعجبة فيه او الي ممكن قد تكون تحبة *~؟