ماعاد ابي لجروحي أبرة مهدي..

54

بارت 54.
،
،
،

بعد نص ساعة انتشر الخبر بقومة ماريا بالسلامة..
والكل فرحانين شوي ويطير من الفرح..
و هذا كان وضع البنات لانهم
متمسكين ببعض مررة..

تقريباً بعد ساعة الكل كان في
المستشفى وفي جناح ماريا بالتحديد..

كل البنات صاروا يحتضنون ماريا.
و كل احد  يجي يتحمد لها بالسلامة
يبكي. الكل كان يضنها بتموت
أو بتطول فترة الغيبوبة لنهمم يسمعون أن ناس كثيرة ماتقووم من
الغيبوبة إلا بعد مدة طوويلة..
بس بقدرة الله قامت بعد شهر..

دعاء: الحمدالله على السلامة.
ماريا وصوتها باين فية التعب:
الله يسلمك حبيبتي..
غرور: الحمدالله الي قومك لنا بالسلامة..
ماريا بابتسامة مرهقة: الحمدالله.
مناهد وهي تمسح على شعرها بحنان: أزمة وعدت الحمدلله.
ام حمد: اية الحمدلله ماتشوفين شر مرة ثانية..
ماريا بارهاق: اشر ما يجيك..
ام حمد قامت: يلا أنا استأذن، يلا يا بنات أكيد حمد جا..
البنات قاموا معها و ودعوا ماريا بحب..
بس مناهد من سمعت أسمه
حست نفسها متوترة ماتدري ليه
بس حاولت تكون طبيعية..
: في أمان الله.
بقت غرور ومناهد واشجان ونوال ورشاء وهاجر وسمية..

اما بقيية الأمهات في الغرفة الثانية.

هاجر تقول لـ ماريا: محتاجة شي..؟
سمية: شكلك تعبانة تحتاجين لراحة..
ماريا وهي ترمي راسها بخفة على المخدة وبتعب: احس نفسي مرهقة مره..
رشاء:  تحسين بشي..؟
ماريا هزت رأسها بـ لا.
نوال: أكيد تجتاجين تغذية لأن توك صاحية.
اشجان: خلاص خلينا نطلع وانتِ
ارتاحي، ولو حسيت بشي كلمينا.
ماريا بتعب: أن شاءالله.
خرجو كلهم. بس مناهد باقية..
مناهد بحنان: يلا أنا رايحة وانتِ ارتاحي، أي شي تبية أو اذا حسيتي
بشي اضغطي الزر الي جنبك تمام.
ماريا وعيونها شبة مقفلة؛ تمام.
باستها على راسها بهدواء وخرجت..

اليوم الثاني.

توجة ناحية أبوه وباس راسة ويدة
وقعد يتقهواء معة وفي باله شي.
ابوة وهو يشرب القهوة: كيف الشغل معك..؟
محمد: الحمدلله ماشي..

دام الصمت لـ دقائق..
محمد:  يبه.
ابو نايف: هلا.
محمد: تبي الصراحة..؟
ابو نايف: علامك يا ولد وش فيك..؟
محمد وهو مايعرف لا يلف ولا يدور: انا بصراحة ابي اخطب اخت خويي سيف، وابي قربهم لأن اخوها
ماشاء الله عليه وأنت شفتة وانا أبي أناسبهم..
ابونايف: ههههه، طيب وش فيك
متوتر على بركة الله، و نسبها
يشرف من بكرة نروح ونخطبها لك اذا تبي..
محمد ابتسم وقام وباس ابوة فوق رأسة: الله يخليك لنا يبه..
ابو نايف: الله يرضاء عليك، بس كيف من شغلك تعب عليك تروح
وتجي وبعدين أنا ابيك يا ولدي
عندي و البيت كبير خذ لك جناح.
محمد: حتى انا يبه مابي ابعد عنكم
و أن شاء الله بقدم طلب نقلي لهنا.
ابونايف: أنت كلم خويك أول وحنا
على طول نرووح ونخطبها..
محمد: أن شاء الله يبه، الله يكتب
الي فية الخير، إلا وش سويت بـمضوع نوال و ماهر..؟