ظهر القمر فى السماء وكأنه كمصباح مضئ وإمتلأت بالنجوم اللامعة حوله وكأنها لألئ أو قطع من الماس التى يزداد بريقها جمالا مع ضوء القمر و تمددت رقية فوق سطح البيت تتأمل النجوم وهى تشير بأصابعها على النجمة التى تعجبها كما إعتادت ان تفعل عندما كانت فى تركيا وبدأت تغنى الأغنية المفضلة لديها والتى جعلت عمر يحفظها ليغنيها لها ( الهوى هوايا أبنى لك قصر عالى وأخطف نجم الليالى وأشغل لك عقد غالى يضوى أحلى الصبايا ) ووضعت يدها على العقد فى عنقها ولمست نجومه وتنهدت بحنين إلى هذه الأيام التى علقت فى تفكيرها دائما وذكرياتها السعيدة التى فارقتها عندما فارقت أحباؤها وسالت دمعة حزينة من عينها وسمعت أحد ما يصعد السلم فمسحتها بسرعة ودخلت ليلى:
إنت هنا بتراقبى النجوم وأنا بأدور عليكى تحت.
: جلست رقية وقالت بهدوء
فيه حاجة؟
العشاء جاهز.
إتعشى إنت ماليش نفس.
: جلست ليلى بجوارها وقالت
وبعدين معاكى ياروكا؟ خصامك المرة دى طول كفاية بقي
كفاية إيه ياماما؟ الخصام ده هو الحاجة اللى باقدر أعملها، بأبعد علشان منتخانقش تانى مع بعض
: لم تتحمل ليلى فقالت
مش معقول ياروكا هاتفضلى مخاصمانى كده ياحبيبتى أنا ماقدرش أبدا على زعلك
زعلى يهمك قوى
طبعا ياحبيبتى أنا عندى مين أغلى منك فى حياتى
صحيح أنا غالية عندك ياماما؟
إقتربت ليلى من رقية ووضعت يديها على وجهها بحنان وقالت: طبعا ياحبيبتى أنت اغلى حاجة في حياتى.
ضمتها ليلى لقلبها بقوة فقالت رقية:
طيب أنا عايزة أسافر
: ضحكت ليلى وقالت
تسافرى فين تانى؟ إحنا مش لسة راجعين من إسكندرية وغيرتى جو هناك والمكان كان عاجبك
مش مهم المكان ياماما المهم ده
: وأشارت رقية لقلبها وأكملت بصوت متهدج
قلبى اللى مش مرتاح ومتقطع والا قلبى مش مهم عندك؟
تنهدت ليلى قائلة:
انا نفسي أريحك يارقية بس مش عارفة إزاى؟ إنتى حيرتينى معاكى
عايزة أسافر
تحبي تروحى فين؟ الغردقة وإلا شرم الشيخ؟
ماما إنت عارفة كويس أنا عايزة أسافر فين؟
أنت تقرأ
مالكة قلبى
Romanceعلى مدى التاريخ تم تسجيل العديد من قصص الحب الرائعة والتي يذكرها الجميع, قصص أصبحت خالدة في أذهان الناس , وطبعت فى قلوبهم لروعتها ورقة مشاعرها , منها ما اكتمل وعاش أبطالها بسعادة ومنها مالم يتم وانتهى بالفراق ومنها ما ختم بطريقة مأساوية وانتهى بم...
