في الصباح طلب سالم أن يتم تناول الطعام في الحديقة وبالفعل قام العاملين بالقصر في إعداد المائدة للجميع ووقفت رقية مع ميرال ورحمة تساعدهم في إعداد الطعام ودخل أحمد وقال
....... أنا عايز فطاير من
ناولته رقية الطبق وهى تضحك
والله كنت عارفة إنك هاتطلبها إتفضل
بس الطبق ده هايبقى لى لوحدى آه مش تسيبى المليان لعمر وانا أشحت منه واحدة بالعافية
متخافش عملت لعمر طبق لوحده
نظر احمد لطبق عمر ثم لطبقه ورفع حاجبه باعتراض وقال
لأ بقى طبقه أكتر من طبقى دى تفرقة
مد يده ليأخذ من طبق عمر فضربته رقية على يده وقالت
........... بس بقى بأقولك دول بتوع عمر و.
هم إيه اللى بتوعى؟
إلتفتو إلى عمر وهو يقف على باب المطبخ وقالت رحمة
أحمد عايز يآخد فطير من طبقك
إيه!! لأ طبعا إوعى
دخل عمر ليدافع عن نصيبه وتصنع احمد الغضب وقال
أنا هاشتكي لجدو بتعاملى عمر أحسن منى وبتفضليه على كمان
....... طبيعى جدا يابنى لأنى
توقف عمر عن إتمام جملته كان سيقول حبيبها ونظر لرقية بتوتر ثم قال
لأنى انا الكبير وإلا نسيت
ماشى ياعمر إنت الكبير أنا هاسكت المرة دى بس
خرجت رحمة وميرال بالطعام ومعهم احمد ووقفت رقية ترتب باقى الأطباق ووقف عمر يساعدها وقال
أنا عايز قهوتى
هاعملها لك حالا عارفة إنك بتحبها مع الأكل
مد عمر يده ليأكل فامسكت رقة يده وقالت مازحة
بطل اكل كده مش هاتعرف تفطر
اعمل إيه جعان وريحتها دخلت قلبى
رق قلب رقية وابتسمت له بحنان وقالت
طيب حتة بس مفهوم
ربما سيأخذ وقت ولكن غضب عمر سيزول ويعود كما كان, بدا عمر يأكل وهو ينظر إليها وبدأ قلب رقية يطمان لأن كل شيء سوف يعود كالسابق
جلس الجميع في إنتظار رقية وعمر وفجأة دخلت إيلا من باب الحديقة وإقتربت وألقت تحية الصباح عليهم ثم قالت
كويس إنكم لسه بتفطرو انا نزلت من غير فطار
خديجة
أنت تقرأ
مالكة قلبى
Romanceعلى مدى التاريخ تم تسجيل العديد من قصص الحب الرائعة والتي يذكرها الجميع, قصص أصبحت خالدة في أذهان الناس , وطبعت فى قلوبهم لروعتها ورقة مشاعرها , منها ما اكتمل وعاش أبطالها بسعادة ومنها مالم يتم وانتهى بالفراق ومنها ما ختم بطريقة مأساوية وانتهى بم...
