عندما عادت رقية رأت أصحاب دافنى عند حمام السباحة يعبون ويصرخون وقلبو المكان رأسا على عقب ودخلت البيت كانت جدتها غاضبة وقالت
أما أشوف سالم بس !! إزاى يوافق على المهزلة دى
معلش ياتيتا شباب صغيرين وبيلعبو
بيلعبو ده مفيش أي إحترام لصحاب البيت ولاد مش متربيين رحمة ... إنتى يارحمة
إقتربت رحمة بسرعة فقالت خديجة
روحى إندهى لدافنى حالا
خرجت رحمة ودخلت بعد دقائق ووقفت مترددة ثم قالت
مش راضية ياخديجة هانم بتقول إنها مشغولة مع أصحابها
كده طيب انا هاروح أطردهم كلهم دلوقتى حالا
رقية:
بلاش تحرجيها أرجوكى تهدأى ياتيتا انا هاتكلم معاها
أسرعت رقية لحمام السباحة ونادت على دافنى التي إقتربت منها بإمتعاض وقالت بلهجة حاجة
عايزة إيه؟
تيتا متضايقة قوى من الدوشة دى يادافنى
وإيه يعنى بنلعب مع بعض وأنا سألت جدو وهو وافق
طيب مش كفاية كده عليكم
أفندم إنت هاتتحكمى في في بيتى وإلا إيه ده بيتى واعمل اللى انا عايزاه
إنت جرى لك إيه يادافنى؟ إنت مكنتيش كده؟
بأقولك إيه مش عايزة محاضرات سيبينى في حالى
إبتعدت دافنى وتركت رقية وذهبت لأصدقائها ووقف شاب منهم ينظر لرقية بإعجاب وسأل
مين الجميلة دى ياداف؟
دى بنت خالى
اول مرة أشوفها
مكانتش عايشة هنا ,كانت في مصر
متعرفينى عليها
روح إنت أتعرف عليها أنا مش بأحبها
حاولت رقية تهدئة جدتها حتى لاتطرد أصحاب دافنى وقالت
أنا هاعزف لك موسيقى تروق أعصابك ياتيتا
جلست رقية أمام البيانو وبدأت تعزف وسرعان ما اقترب أصحاب دافنى ودخل ليستمعو لعزفها ووقفت دافنى مغتاظة وقالت
حتى أصحابى هاتآخديهم منى كمان!
إقترب صديق دافنى من البيانو ووقف ينظر لرقية بإعجاب وعندما إنتهت صفق لها الجميع وتركت دافنى المكان بغضب وقالت خديجة
يآه ياروكا عزفك هدانى فعلا انا هاطلع اوضتى بقى ارتاح شوية
إبتعدت خديجة وظل الشاب واقفا أمام رقية وقال : عزفك جميل قوى
أنت تقرأ
مالكة قلبى
Romanceعلى مدى التاريخ تم تسجيل العديد من قصص الحب الرائعة والتي يذكرها الجميع, قصص أصبحت خالدة في أذهان الناس , وطبعت فى قلوبهم لروعتها ورقة مشاعرها , منها ما اكتمل وعاش أبطالها بسعادة ومنها مالم يتم وانتهى بالفراق ومنها ما ختم بطريقة مأساوية وانتهى بم...
