كان هذا قرار رقية ولكن عمر كان لديه رأى آخر وعندما وصل للقصر بحث عنها في كل مكان , كانت في القاعة تريد أن تأخذ بعض الأشياء معها لمصر ودخل عمر ونادى عليها بقوة
رقية
خرجت رقية من حجرة الملابس وعندما نظرت إليه أكتشفت انه لايزال غاضبا منها إقتربت منه وقالت
عايز إيه ياعمر ؟ يا إما تفهمنى فيه إيه؟ يا إما متتتكلمش معايا
حملت أشياؤها وخرجت بسرعة ولكنه خرج خلفها يلاحقها وامسكها ليوقفها
أستنى هنا
عايز أيه منى ياعمر؟ سيبنى بقى قاضل يومين وأسافر وخلاص هاترتاح منى فيه إيه تانى؟ مش كفاية اللى عملته فى الشركة
وتسافرى ليه خلاص معدش قيه لزوم أنت مكانك بقى هنا.
انا مش فاهمة حاجة , عمر قول عايز إيه وسيبنى أمشى.
عايز أهنيك خطتك نجحت مبروك
خطتى انا !! خطة إيه ؟
خطتك إنت وأمك علشان تآخدو كل اللى تقدرو عليه من ثروتنا
أنا مش فاهمة أى حاجة إنت بتقول إيه ؟
خلاص أخدتى اللى إنت عايزاه يارقية واللى أمك جابتك هنا مخصوص علشانه
? إنت بتقول إيه ياعمر
عاملة مش عارفة مش ده اللى خططتى له خليتى جدو يديك نصيب فى الشركة وكرسى فى مجلس الإدارة وكمان كتب لك حصة فى القصر ده غير الأسهم وحساب كبير فى البنك
!!! أنا
بطلى تمثيل بقى دهشتك مش مقنعة إنتى إستنيتى كل ده لحد ماعملك اللى إنت عايزاه , إداكى حصة زى بالظبط أنا اللى إشتغلت فى الشركة وتعبت سنين, بيساويكى بى؟
نظرت له رقية بدهشة وقالت: صدقنى ياعمر أنا ماعرفش حاجة عن الموضوع ده وجدو ماقاليش حاجة و.........
توقفت رقية وهى تتذكر كلام جدتها عن مفاجأة جدها, إذا هذه هي المفاجاة التي كان يعدها لها
يبقى هايبلغك أكيد الليلة ويديكى العقود والأوراق اللى عليها إسمك مبروك بقيتى غنية
وليه عمل كده ؟
لأنه إرتاح و إتأكد خلاص إنك حفيدته فعلا وشاف إنه من المناسب يكتب لك جزء من الثروة
بدأ المطر فى الهطول ونظرت رقية وإنتبهت لكلامه فسألت:
إتأكد يعنى إيه ؟
قاطعها عمر وقال
ماسألتيش نفسك ليه فضلت اكتر من أسبوع فى الأوتيل ومحدش طلب منك تيجى تعيشى هنا
أنت تقرأ
مالكة قلبى
Romanceعلى مدى التاريخ تم تسجيل العديد من قصص الحب الرائعة والتي يذكرها الجميع, قصص أصبحت خالدة في أذهان الناس , وطبعت فى قلوبهم لروعتها ورقة مشاعرها , منها ما اكتمل وعاش أبطالها بسعادة ومنها مالم يتم وانتهى بالفراق ومنها ما ختم بطريقة مأساوية وانتهى بم...
