تزين قصر سالم أوغلو بالأضواء والورود إستعدادا لزفاف أميرة القصر على الحفيد الأكبر عمر وإنشغل الجميع في ترتيب المكان وكان عمر يريد أن يأخذ رقية معه لشراء البدلة ولكن ليلى رفضت تماما وقالت: خد أحمد معاك.
أنا بأثق في رأيها يا ماما أرجوكى خليها تيجى.
إحنا مش فاضيين لسه عندنا بروفة الفستان
طيب آجى معاكم نجيب الفستان ونروح ....
قاطعته ليلى قائلة: ممنوع العريس يشوف فستان الفرح.
إيه التحكمات دى بقى.
خديجة: فال وحش يا إبنى .
إنتو بتصدقو الكلام ده لسه؟
ضحك سالم وقال: كلامهم صح ياعمر ياللا خد أحمد واتفضل روح إشترى البدلة لوحدك ياللا.
وقف عمر بإحباط وإبتسمت ليلى وربتت على وجهه بحنان وقالت: ياحبيبى هانت كلها يومين وهاتبقى معاك على طول.
احمد: وإبقى علقها في رقبتك بقى في سلسلة.
رمق عمر أحمد بغضب وقال: إنت بتسخر منى أشوفك لما تحب
نزلت رقية السلم فاقترب منها عمر وقال: روكا مش راضيين يسيبوكى تيجى معايا.
قبل أن تجيب رقية أمسكتها ليلى من يدها وهى تقول: متلعبش بعواطف البنت ياللا روح بقى.
مال عمر على رقية وهمس في أذنها: هآجى لك الأتيليه.
بتقول لها إيه ياولد؟
بأقول لها هاتوحشينى , فيه مانع؟
ضحكو وخرج أحمد مع عمر وقالت فاطمة: ياللا ياروكا هانتأخر هاتى شنطتك.
وقفت رقية في الأتيليه وعينها على الباب وقالت ليلى: ركزى ياروكا معانا...
بتقولى حاجة ياماما.؟
أدخلى قيسى الفستان ياللا علشان لو فيه حاجة تخلص قبل مانمشى.
حاضر.
حملت رقية الفستان ودخلت لحجرة القياس وأغلقت الباب فجأة أمسكها احد من الخلف ألتفتت بفزع وصاحت من الفرحة: عمر!!
تعلقت بعنقه فضمها بقوة وقال: طبعا أنا معقول أسيبك.
يامجنون إزاى جيت هنا؟ ماما لو شافتك هاتبهدلنا.
سبقتك ودخلت أستناكى عايز أشوفك بالفستان .
مش هاينفع ياعمر لأن....
دق الباب وسمعو صوت فاطمة: روكا عايزة حد يساعدك؟
لأ ياعمتى ... أنا تماما.... أمشى ياللا قبل ماحد يعرف إنك هنا.
أنت تقرأ
مالكة قلبى
Romanceعلى مدى التاريخ تم تسجيل العديد من قصص الحب الرائعة والتي يذكرها الجميع, قصص أصبحت خالدة في أذهان الناس , وطبعت فى قلوبهم لروعتها ورقة مشاعرها , منها ما اكتمل وعاش أبطالها بسعادة ومنها مالم يتم وانتهى بالفراق ومنها ما ختم بطريقة مأساوية وانتهى بم...
