✍️ Unicode
" ဖေဖေ... သားလဲ ဟိုကြောင်အိမ်ထဲကကြက်သားဟင်းနဲ့ထမင်းစားချင်တယ်...... "
ဟင်းကောင်းရယ်လို့ဟုတ်တိပတ်တိမစားရဘဲ နေ့တိုင်းနီးပါးလောက် ရှင်းသန့်မောင်စားတဲ့အတိုင်းအသီးအရွက်ဟင်းနဲ့သာဖြစ်သလိုစားရတဲ့ သားငယ်ကိုကြည့်ပြီးရှင်းသန့်မောင်စိတ်မကောင်းမိ။
အရင်နေ့တွေကဆိုရင်တော့ အသားဟင်းချက်ရင် သားငယ်မမြင်အောင်ဖွက်ထားလေ့ရှိပေမဲ့ ဒီနေ့တော့ရှင်းသန့်မောင်ကြက်သားဟင်းချက်နေတုန်း သားငယ်ကမီးဖိုထဲကိုရုတ်တရက်ဝင်လာတာမို့ ဖွက်မထားခင်လိုက်။
" နော်ဖေဖေ... သားကိုတစ်တုံးလောက်ပဲကျွေးပါလားဟင်...... "
အသားဟင်းစားချင်သည့်သားငယ်ကို ရှင်းသန့်မောင်အပြစ်မဆိုရက်ပါ။တစ်ခါတစ်ရံအရီးမယ်ခတို့အိမ်နဲ့ မအေးညိုတို့လင်မယားအိမ်ကပေးမှသာအသားဟင်းစားရတာမို့ အခုလဲကလေးပီပီစားချင်ရှာပေမပေါ့။
နောက်မှဘာပဲဖြစ်ဖြစ်ဆိုတဲ့အတွေးနဲ့ သားငယ်ကိုထမင်းကျွေးနေရာကထပြီး ကြောင်အိမ်ထဲမှာထည့်ထားတဲ့ဟင်းခွက်ထဲက ကြက်သားတုံးတစ်တုံးကိုယူလိုက်ချိန်မှာပဲ
" ဒါကဘာလုပ်တာလဲ ရှင်းသန့်မောင်...... "
ရုတ်တရက်ခက်ထန်စွာထွက်လာတဲ့ နေမင်းခန့်ဆီကအသံကြောင့် ရှင်းသန့်မောင်ဆတ်ခနဲတောင်တုန်သွားမိတာပဲ။နောက်ကိုလှည့်ကြည့်လိုက်တော့ ဘယ်အချိန်ကစ မီးဖိုထဲရောက်လာမှန်းမသိတဲ့ နေမင်းခန့်က ရှင်းသန့်မောင်ကိုခါးထောက်ပြီးကြည့်လို့။
သားငယ်ကတော့ထမင်းစားလက်စ လက်နှစ်ဘက်ကိုအောက်ချပြီး ရှင်းသန့်မောင်ဆီကိုမျက်ရည်ဝိုင်းနေတဲ့မျက်လုံးကြီးတွေနဲ့ကြည့်ရင်း နေမင်းခန့်ကိုတော်တော်ကြောက်နေတဲ့ဟန်။အင်္ကျီလက်အနားလေးတွေတောင်တဆတ်ဆတ်တုန်လို့။
" သားငယ်က ကြက်သားဟင်းစားချင်တယ်ဆိုလို့ပါ...... "
" နေစမ်းပါဦး... မင်းတို့သားအဖကဒီအိမ်မှာ ကြက်သားဟင်းစားခွင့်ရှိလို့လား...... ဟမ်... "
" ဒီမှာ နေမင်းခန့်... ဒီကလေးက မင်းရဲ့သားနော်... ဒီလောက်ကလေးတောင်မသထာနိုင်ဘူးလား...... "
YOU ARE READING
💕 မုန်းသူ့ကျိန်စာမပြေသည့်ရန်ငြိုး
Romanceတချို့ဆုံတွေ့ရခြင်းတွေဟာ ဝဋ်ကြွေးကြောင့်လို့ဆိုတယ်......... yawthawemaung တခ်ိဳ႕ဆုံေတြ႕ရျခင္းေတြဟာ ဝဋ္ေႂကြးေၾကာင့္လို႔ဆိုတယ္.........