✍️ Unicode
ညနေစောင်းလာပြီဖြစ်ပေမဲ့ နေရောင်ရှိနေဆဲဖြစ်တာကြောင့် ဝန်းကျင်တခိုမှာခပ်နွေးနွေးရှိနေဆဲ။သစ်ရွက်တွေကြားထဲကိုထိုးဖောက်ကျလာတဲ့ နေရောင်ကြောင့် ခြံထဲမှာအလင်းရာင်မနည်းပဲ လင်းလင်းချင်းချင်းရှိနေတုန်း။
အိမ်ဝင်းထဲကပေါများလှတဲ့ သစ်ပင်ကြီးကြီးတွေကြောင့် ကြွေကျပြီးအမှိုက်ဖြစ်နေတဲ့သစ်ရွက်တွေကလဲ မြေပြင်ပေါ်မှာမနည်းမနော။တံမြက်စည်းနဲ့နေ့တိုင်းနီးပါးသိမ်းပေမဲ့ အရွက်တွေကနေ့တိုင်းလောက်ကြွေကျနေတာမို့ အမှိုက်ပြတ်သွားတယ်ရယ်လို့သိပ်မရှိ။
အခုလဲတံမြက်စည်းတစ်ချောင်းနဲ့သစ်ရွက်ကြွေတွေသိမ်းနေတာကို ဆေးမှူးလေးကပါလာကူနေတာမို့အားနားမိပေမဲ့ မလုပ်ပါနဲ့လို့တားတာလဲမရ။
" ဦးဦးဆေးမှူးရေ ဆိုင်ကယ်စီးရအောင်...... "
" ဟုတ်ပါပြီဗျာ လာပါပြီ...... "
" ကဲ ကိုမောင်ရေ သားငယ်နဲ့ဆိုင်ကယ်စီးလိုက်ဦးမယ်...... "
" မစီးပါနဲ့ဆေးမှူးလေးရယ် အလကားနေဆီကုန်ပါတယ်... သားငယ်ကိုအလိုမလိုက်နဲ့... သားငယ်မစီးရဘူးနော်... ဦးဦးဆေးမှူးကအလိုလိုက်တိုင်းမဆိုးရဘူး...... "
" ပထမဆုံး ကျွန်တော့်ကိုဆေးမှူးလေးဆိုပြီးမခါ်ပါနဲ့ဆိုတာမရဘူးနော်... ညီညီဖြစ်ဖြစ် ညီလို့ပဲဖြစ်ဖြစ်ခေါ်ပါဆို...... "
" ကျုပ်ကမေ့မေ့သွားလိုပါ ဆေးမှူးလေးရယ်...... "
" ခေါ်ပြန်ပြီ...... "
မျက်လုံးလေးပြူးပြကာ ကလေးဆန်ဆန်ပြောနေတဲ့ ဆေးမှူးလေးကြောင့် ရှင်းသန့်မောင်နှစ်နှစ်ခြိုက်ခြိုက်ရယ်မိသည်။ဒီလိုတွေမရယ်ရတာတောင်တော်တော်ကြာခဲ့ပြီပဲ။
" ဒုတိယက သားငယ်ကိုတမင်အလိုလိုက်တာမဟုတ်ပါဘူးဗျာ... ကျွန်တော်ကချစ်လို့ပါ... အန္တရာယ်ဖြစ်စေမဲ့ဟာဆိုရင် ကျွန်တော်လုပ်မပေးပါဘူး... ဆိုင်ကယ်စီးချင်တာစီးပါစေပေါ့ ကလေးပဲစီးချင်မှာပေါ့... ပြီးတော့အဝေးကြီးသွားစီးတာလဲမဟုတ် ဒီအိမ်ဝင်းထဲမှာပဲစီးကြတာလေ...... "
YOU ARE READING
💕 မုန်းသူ့ကျိန်စာမပြေသည့်ရန်ငြိုး
Romanceတချို့ဆုံတွေ့ရခြင်းတွေဟာ ဝဋ်ကြွေးကြောင့်လို့ဆိုတယ်......... yawthawemaung တခ်ိဳ႕ဆုံေတြ႕ရျခင္းေတြဟာ ဝဋ္ေႂကြးေၾကာင့္လို႔ဆိုတယ္.........