✍️ Unicode
" ဖေဖေရေ… သားလိုက်သွားပြီနော်…… "
" အေးအေးသား… အရီးအေးညိုတို့အိမ်မှာ တအားမဆော့နဲ့နော်…… "
" ဟုတ်ကဲ့…… "
မအေးညိုချီထားတဲ့အပေါ်ကနေတာ့တာပြရင်းအော်ပြောနေတဲ့သားငယ်ကို ပြန်ဖြေရင်းတာ့တာပြန်ပြလိုက်သည်။
" လျှော်ရမဲ့အဝတ်အစားတွေကလဲ များလိုက်တာဟယ်… ငါရောလျှော်ခဲ့ရဦးမလား…… "
" နေပါစေဗျာ… ဒီလောက်ကတော့အပျော့ပေါ့…… "
" အေးပါ အဝတ်လျှော်လို့ပြီးရင်လာခဲ့နော်… ထမင်းကိုအိမ်မှာစား…… "
" မျှော်မနေပါနဲ့… အဝတ်တွေကများတယ်… လျှော်တာတော်တော်နဲ့ပြီးချင်မှပြီးမှာ… အိမ်မှာပဲစားလိုက်ပါတော့မယ်…… "
" အေးပါ စောစောပြီးရင်လဲ လာခဲ့ဦးပေါ့… နင်မလာရင်လဲ သားငယ်ကိုညနေမှပြန်ပို့မယ်… အဲဒီတော့မှနင့်ဖို့ဟင်းယူခဲ့တော့မယ်…… "
" ဟုတ် ဟုတ် မအေးညို ရတယ်…… "
မအေးညိုက တောဝက်သားရှိတယ်ဆိုပြီး သားငယ်ကိုထမင်းစားလာခေါ်တာမို့ သားငယ်ကပြူံးပြုံးရွှင်ရွှင်ပင်လိုက်သွားသည်။ရှင်းသန့်မောင်ကတော့ ရေချိုးရင်းအဝတ်လျှော်နေတာမို့မလိုက်ဖြစ်။
ဒီနေ့မှပဲ မလျှော်ဖြစ်ပဲစုထားတဲ့သားငယ်အဝတ်တွေရော နေမင်းခန့်အဝတ်တွေရောမို့ တော်တော်နဲ့လျှော်လို့ပြီးအံ့မထင်။အဝတ်တွေလျှော်ရတာများပေမဲ့ မန်းကျည်းနှစ်ပင်ရဲ့အရိပ်ကနေမပူတာမို့သိပ်ပင်ပန်းတယ်မထင်မိ။
မပူဆို ရှင်းသန့်မောင်ကိုယ်ပေါ်ကိုနေပြောက်တောင်ရောက်မလာ။ရေတွင်းထဲကရေကိုစဉ့်ဇလုံကြီးထဲဆွဲထည့်လိုက် အဝတ်တွေလျှော်လိုက်နဲ့ဗိုက်ဆာလာတော့မှ အချိန်တွေတော်တော်လင့်လာတာသတိထားမိတဲ့အထိ။
လျှော်ပြီးသားအဝတ်တွေကိုလှန်းဖို့ဝါးလုံးတန်းကခြောက်ပြီးသားအဝတ်တွေကိုရုတ်ကာ မန်းကျည်းပင်အောက်ကကွပ်ပျစ်လေးပေါ်ပုံထားလိုက်သည်။
သားငယ်ရှိရင်တော့ အဲလိုရုတ်ထားတဲ့အဝတ်တွေကိုမခေါက်တတ်ခေါက်တတ်နဲ့ခေါက်ပေးတတ်သေးသည်။ချစ်စရာကောင်းလွန်းလှတဲ့သားငယ်က ခုနကမှလိုက်သွားတာပေမဲ့ ရုတ်တရက်သတိရမိသွားတဲ့ကိုယ့်ကိုယ်ကိုယ်ပိုရန်ကောလို့ပြုံးမိပြန်သေးသည်။
YOU ARE READING
💕 မုန်းသူ့ကျိန်စာမပြေသည့်ရန်ငြိုး
Romanceတချို့ဆုံတွေ့ရခြင်းတွေဟာ ဝဋ်ကြွေးကြောင့်လို့ဆိုတယ်......... yawthawemaung တခ်ိဳ႕ဆုံေတြ႕ရျခင္းေတြဟာ ဝဋ္ေႂကြးေၾကာင့္လို႔ဆိုတယ္.........
