حكايات خلف الأسوار(مازال للحكايات بقية)

فضفضة♥

السلام عليكم ♥
اوعوا تكونوا نسيتوني 🥺
أنا الحمد لله خلصت امتحاناتي ونجحت كمان ف حبيت اتكلم معاكم شوية بخصوص الرواية

أولا:
بالنسبة للشخصيات، شخصيات الرواية معظمها شخصيات حقيقية، واللي مش حقيقي منها بيبقى موجود شبهه معانا كل يوم
طب زي مين؟
شوفوا أمينة وعمرو وولادهم وأهله وأهلها اللي في الرواية كل دول حقيقيين، موجودين معانا في الواقع، وامينة تبقى صحبتي كمان
طب القصة حقيقية؟ ايوا حقيقية
وشخصية عمرو دي حقيقية برضو لكن الواقع أسوا بكتير
ده أنا في الرواية مذكرتش كل حاجة كمان وفي تفاصيل احتفظت بيها
طب نهاية أمينة الحقيقية إيه؟
للاسف نهاية امينة الحقيقية مش زي الرواية
هي لسة معرفتش تتخلص من ظلم جوزها وأهله.

طيب بالنسبة لباقي الشخصيات 
شخصية عليا وفلك ونغم دول تلاتة في الرواية لكن في الوقع هما شخصية واحدة

طب آلاء ليها دور في الرواية؟
أيوا ليا دور
في الرواية أنا قايمة بدور عليا كصديقة لامينة
لإني زي ما قلتلكوا امينة الحقيقية صحبتي

وفيا من تفكير نغم وطريقتها شوية، وهدوئها«أحيانا»

وفيا جنان فلك وده الاغلب ♥😂

لكن حياة الشخصيات التلاتة في الرواية دي مش بتاعتي، دي من تأليفي
أنا بس واخدة بعض الصفات ♥

أما باقي الشخصيات فهما مش حقيقيين بالظبط
بس هما واقعيين وبنشوف زيهم كتير قوي في واقعنا

كده أكون وضحت الشخصيات

ثانيًا:

بالنسبة للرواية، فبإذن الله هيكون ليها جزء تاني
كب هتقولولي ليه؟
هقولكم لأسباب كتير
اولهم، تفتكروا حياة شمس هتبفى زي اخواتها؟
يعني مثلا شمس اللي اتربت مع اب غير سوي نفسيا، وي اخواتها اللي هيتربوا في بيية سوية صالحة؟
اكيد طبعا شتان مابينهم
والجزء التاني هيوضحلكوا نتيجة التربية والبيية المحيطة
هل مثلا ولاد امينة اللي هيتربوا من غير أب، هتبقى حياتهم بيرفكت؟ وهل عدم وجود الاب بياثر بالشكل ده؟ خصوصا انه مش متوفي، ده عايش بس شخص مش سوي نفسيا ولا يصلح إنه يكون اب اصلا

وكل ده برضو هنشوفه، طيب هل نغم وسديم وعليا هتفضل حياتهم وردي؟

طيب نغم وعليا اللي عايشين من غير مشاكل، هل دي كريقة حياة المتحوزين بجد؟
برضو لا، وأنا وضحت ده في الرواية
نغم وعليا لسة متجوزين جديد، طبيعي مفيش التزامات كتير ولا أطفال ولا خناقات اهل ولا كل ده لإنهم لسة جداد، فـ مش طبيعي أخلقلهم مشاكل من اول كام شهر جواز
لكن مستقبلًا طبيعي يبقى في مشاكل
اقل ما فيها مثلا يتخانق معاها على القميص البني اللي متكواش، والاكل اللي مخلصش، والولد اللي تاعبهم في المذاكرة، وووو
فـ طبعا كل هنشوفه سوا
وبأكد عليكم انا رواتي اجتماعية، جاية من المجتمع يعني واقعية
فـ متتوقعوش مني اجيب بطل مثالي، ولا بيغير عليها من أخوها والكلام التافه ده

ونقطة مهمة كمان، اللي مستني في روايتي مشهد حميمي، حتى لو مجرد بوسة يبقى بيضيع وقته
أنا مبكتبش المشاهد دي
ومذكرتش في روايتي انه البطل باس البطلة ابدا الا لو مثلا باس راسها، باس ايدها فقط لا غير

إنما احضان وقبلات وما يليهم فأنا مبكتبش كده ابدا
وعلى فكرة يا بنات/شباب
الرومانسية مش في الاحضان والقبلات وبس
ومش هو ده الجواز، الجواز مسئولية، مشاركة، اهتمام، ود، احترام
ف انا ممكن ابينلك إن الابطال بيحبوا بعض او بيحترموا بعض بمليون طريقة إلا دي
أنا مش هستحمل أخد ذنب كل ولد وبنت أثرت مشاعرهم، وتخيلوا نفسهم مكان الابطال بسبب حتة مشهد
انا بس حبيت أوضح لأن في ناس سالتني ليه مش بعمل مشهد رومنسي بين الابطال