ခင်ပွန်းသည် ကိုကိုလူကြမ်းကြီး

အခန်း (၁၁) အခန္း (၁၁)

[Unicode]

"အား..."

(၃၈)၏အော်သံကြီး စိတ်အာရုံထဲမှထွက်ပေါ်လာသည်။ ထို့နောက် ထိုစနစ်က စိတ်လှုပ်ရှားစွာဖြင့် အော်လာသည်။ "တောင်းဆိုထားတဲ့အသံ 'Get' ဖြစ်သွားပါပြီ။ စနစ်အသက်ဝင်သွားပါပြီ။ လက်ခံထားသူရေ၊ ခင်ဗျားကတော့ အရမ်းမိုက်ချက်ပဲဗျာ"

ထိုသို့ပြောလိုက်သည်နှင့် ချင်ဝမ်ဝမ်၏ခေါင်းထဲတွင် အချက်အလက်များလုပ်ဆောင်တင်သွင်းနေသည့်အသံကို ကြားလိုက်ရသည်။ ထို့နောက် သူမစိတ်အာရုံထဲ၌ ပုံရိပ်ပြမျက်နှာပြင်တစ်ခုပေါ်လာသည်။ ထိုမျက်နှာပြင်ပေါ်တွင် အစိမ်းရောင်အလင်းစက်တစ်စက်က ရေဒါကဲ့သို့ ဘေးပတ်ဝန်းကျင်အနှံ့ကို ဖြတ်သန်းသွားလေသည်။

"အမှတ်(၃၈၃၈၄၃၈) ဇာတ်လိုက်မ၏လက်တုံ့ပြန်ခြင်းစနစ်ကို တရားဝင်အသက်သွင်းလိုက်တဲ့အတွက် ဂုဏ်ယူပါတယ်။ ဒီစနစ်က သင်အောင်အောင်မြင်မြင်လက်တုံ့ပြန်နိုင်ဖို့ အမှတ်တွေပေါ်မူတည်ပြီး သက်ဆိုင်ရာဝန်ဆောင်မှုတွေ သင့်ကိုထောက်ပံ့ပေးသွားမှာပဲဖြစ်ပါတယ်။ လက်ရှိရှိရင်းစွဲအမှတ်က (၅၀)။ လိုက်လျောညီထွေပြုပြင်ထားတဲ့ လုပ်ငန်းတာဝန်ပြီးမြောက်မှုက (၉၀%)ပါ။ ကျေးဇူးပြုပြီး ချက်ချင်းတောင်အောက်ဆင်းသွားလိုက်ရင်း လုပ်ငန်းတာဝန်ကို ပြီးမြောက်အောင်ဆောင်ရွက်ပြီး ဆုတွေပြန်လည်ရယူလိုက်ပါ"

(၃၈)၏အသံက ပျော်ရွှင်ဝမ်းမြောက်မှုအပြည့်ဖြင့် "လက်ခံထားသူရေ၊ သွားလိုက်တော့"

ချင်ဝမ်ဝမ်က စကားမဆိုချေ။ သူမက ဘေးပတ်ဝန်းကျင်အားအကဲခတ်လျက် ကျန်ရှင်းကျီးကို တစ်ချက်လှည့်ကြည့်ကာ အရိပ်ပြလိုက်သည်။

ကျန်ရှင်းကျီးက သူမမည်သည်ကိုဆိုလိုကြောင်း သဘောပေါက်ကာ ခေါင်းညိတ်လျက် တိတ်တိတ်လေးခြေတစ်လှမ်းဆုတ်သွားသည်။

"နှစ်ဘက်မသက်ဆိုင်တော့ဘူးလား"

ဘေးပတ်ပတ်လည်ရှိလူများဟာ သူတို့၏အစီအစဉ်ကိုလုံးဝသတိမပြုမိကြချေ။ ကျွင်းရှူးက လှောင်ပြောင်ထေ့ငေါ့၍ ပြောလာသည်။ "ဒါဖြင့် မင်းနဲ့ငါ့ကြားက လက်ထပ်ဖို့သဘောတူညီမှုယူထားတဲ့ဟာကရော"