Translated by Hae Yar
Edited by Me
[Unicode]
ကျန်ရှင်းကျီး၏ အတည်ပေါက် စကားများကို နားထောင်နေရင်းမှပင် ချင်ဝမ်ဝမ်တစ်ယောက် အနာဂတ်အကြောင်းတွေးတောမိသွားသည်။
ခန့်ညားချောမောတဲ့ အမျိုးသားတွေဝိုင်းဝိုင်းလည်နေရင်း နတ်ပြည်ကို ချောချောမွေ့မွေ့တက်သွားရမှာဆိုတာက ဘယ်လိုတောင် နားထောင်ရစွဲဆောင်မှုရှိနေလိုက်သလဲ...
စွဲဆောင်မှုအရှိဆုံးအရာက...
"ကျွန်မတက်သွားပြီးရင်" ချင်ဝမ်ဝမ်ဟာ ရုတ်ခြည်းပင် စိတ်ဆန္ဒပြင်းပြလာလျက် "ကျွန်မပိုပြီးသန်မာအားကြီးလာမှာလား"
"ဒါပေါ့" ကျန်ရှင်းကျီးဟာ မျက်ခုံးများပင့်၍ "မင်းက တော်တော်လေး ထက်မြက်တယ်လေ။ မင်းကြိုးစားလုပ်ရင် အနာဂတ်မှာ ထိပ်တန်းအဆင့်ဖြစ်လာပြီး နတ်ပြည်မှာ နံပါတ်တစ်နတ်သမီးဖြစ်လာလိမ့်မယ်"
သူမကို တွန်းအားပေးဖို့ရာအတွက် ကျန်ရှင်းကျီးတစ်ယောက် ပေါက်ကရများဖြင့် စတင်ရမ်းတုတ်တော့သည်။ ထိုသို့ကြားသည့်အခိုက် ချင်ဝမ်ဝမ်၏ မျက်လုံးများမှာ တလဲ့လဲ့တောက်ပလာကာ "အရမ်းတွေ စွမ်းအားကြီးလာမှာလားဟင်"
"မှန်တာပေါ့" ကျန်ရှင်းကျီးက ပြောလိုက်၏။ ခဏတာတန့်သွားပြီးသည့်နောက် သူက အခြေအမြစ်မရှိသည့်အရာများကို ဆက်ပြောလေသည်။ "ခွေးပေါက်လေးရဲ့ကမ္ဘာမှာ ကျန်ရှင်းကျီးဆိုတဲ့ လူတစ်ယောက်ရှိတယ်ဆိုတာ မင်းသိထားရမယ်"
ထိုနာမည်ကိုကြားသည်နှင့် ချင်ဝမ်ဝမ်၏ မျက်ဝန်းများမှာ အရောင်များဖြာထွက်လာလျက် အသည်းအသန်ခေါင်းညိတ်ပြလေတော့သည်။
ဒီလူကိုသိတယ်၊ ဒီလူကို ရင်းနှီးတာပေါ့၊ သူက ငါ့ဘဝရဲ့အကြီးမားဆုံးရန်သူတော်ကြီးပဲ။
"သူက အရမ်းတော်တယ်လေ၊ ငါ့ထက်တော့ နည်းနည်းလေးညံ့ပေမဲ့ပေါ့"
ကျန်ရှင်းကျီးက သူ့ခွန်အားအစစ်အမှန်ကို သူမအား နှိုင်းယှဉ်သုံးသပ်ပြနေစဉ် ချင်ဝမ်ဝမ်ဟာ တိတ်ဆိတ်နေမိသည်။
VOCÊ ESTÁ LENDO
ခင်ပွန်းသည် ကိုကိုလူကြမ်းကြီး
RomanceTitle - ခင္ပြန္းသည္ ကိုကိုလူၾကမ္းႀကီး/ The Husband was the Long Aotian/ I, this husband was once the Long Aotian. Happy Ending. Both Zawgyi and Unicode fonts are available.
