عُقدة الذَنب

البارت السادس

. عقده الذنب

. البارت السادس

. ريـام السـاعدي

🕸🕸🕸

ـ صوغ روحك مِن جديد لا تِحب إلناس " عالظّن ".

💄🕸

سـمر •••

ـ سمعت حچيهن وسويت روحي
نايمه شي بگلبي نغزني ليش هي
تطلب مساعدة منه وشمعنه هوو
بالذات الي يگدر يغير قرار ابويه
بس لا صدگ الي سمعته طول حياتي
واني بت هاشم مو ناصر ولهيج محد
يحبني ومنبوذه حالي من حاله..

ـ عصرت عيوني والافڪار تتناطح
براسي بالدقيقه الف ࢪاي اخذ بين
قبول و رفض تمر ثانيه مزاجي بيها زين
والثانيه البعدها يتعكر وتنعفس ملامحي
وشي يحرگ بصدري احس بجبل گاعد
عليه وڪل شويه ليش تغير حالي وين
راحت شخصيتي معقوله اني سمر الي
عاشت حياتها ضاربه الدنيا طول بعرض
ومحد يگدرلي وڪلمه طووز ماتنزل
من لساني!!!

ـ اختنگت مااتحملت اريد اهرب من
كلشي الحياه بالنسبه الي سقم مره
ماعندي طاقه اتحمل بعد

ـ گمت من مڪاني دنيا عصر حاره
والمبرده هواها صار حار غرفتي جان
بيها سبلت والبيت بارد ماجنت احس
بإي حراره شلون امي متحمله كل هاي
السنين فكره هي گاعده ابيت واحد ما
مقدرها ونابذها وهي ساڪته تخبلني
وتجنن جنوني شعدها باقيه ويا ليش
ما عافته من زمان ليش ليش..

ـ تنهدت وجريت الف حسره رأسي
موتني وجع مو طبيعي ڪلشي بداخلي
مو طبيعي رحت فتحت الباب وگعدت
انتظر جيتهن صافنه بالفراغ واني افكر
شنو مصيري سمعت صوتها گعدت نداريت صحتلها اجتي

رقيه: ماما

سمر: مو هنا حبيبتي راحت

رقيه: بشهگه حطت ايدها ؏ خدوها
وسعت عيونها وگالت  ياااا وين..

ـ بعد ماتجي عافتج..

ـ لااااا انتي چدابه هى هئ

ـ لاااا يمعوده تعاي اشاقه وياج راحت
تجيب حلويات الج گولي شنو تردين
منها..

رقيه : جلاتين واثنين چباسه وعصير
وتمن وروبه

ـ ههههههه التمن شسويت بيه..

ـ ههههه احبه

ـ اگوم اصبلج؟ هزت براسها بإي..

ـ اي مو تدلل رقاوي.. گمت صبيت
الها وهي كيفت وتاكل وتصيح يمم
يممم خلصت ولوصت روحها غسلت
الها وهي طلعت لعابتها وسوت بيت
بيوت وتمثل عدها عائله وتحچي وياهم
نزلت دمعتي ؏ وضعها ذكرتني بنفسي
من محد يلعب وياي جنت اخترع خيال
برأسي..

ـ رقيه اول منولدت اني كرهتها بالسنه
ومشايفه شكلها زين بس من نعرفت
بيها انبذت وناصر ما اعترف بيها شفت
روحي بيها وتقبلتها.. اجاني صووت
من ورايه يصيح رقااوي..  شمرت كل
شي وراحته ركض تصيح بابا..