عقدة الذنب
• ريام الساعدي
• البارت الـ 41
🪻🌼🌼🌼
ـ كَلب زاجل
چنت يمك
من أنهد عليك أرجع
مو سهلة وأتكَتر
جنت فانوس
بـ الظلمة أحترك
حتئ انت ما تعثر
بعد ما بيه أضحي أكثر
طاسه مي
أعيش وياك
وأنذب وره متونك
شسويت ؟
وعليّ شارد جنت
كلساع أباوعلك
يَـ ساعة بأيد متواعد
💫🪸
......
رنا: ارجعيله خيه الرجال غلط بس
بعده يحبج ولليوم جاي يبچي دم
عليج ويگول مرتي اريدها جبروني
اطلگها ولا اني بعدني احبها وبعدين
مره ما تاڪل مره..
سمر: خوب انتي ماعندج بس هاي
الحچايه تصولين وتجولين بيها كل
ماتشوفينا تعيديها علينه نفسها ادري
انتي من جماعه أڪلي لحوم البشر
عندج الناس واحد ياكل الخ..
رنا: يااا شبيج قصدي يصيرن حبايب
وحده أخت للخ حته لو يصير بينهن
مشاكل بس تنحل ماتكبر مادام ابو
بيتهن موجود ومامقصر هاهيه شيردن
بعد
سمر: لااااا بهاي حقج بس تدرين
المشكله وين من يتشاركن نفس
الرجال والبيت هاي هنا المشاكل
مالها كل حل بس الا أذا اكوو
بيت ثاني اكله طيب تروح تاكل
يمه بعد شعدها من مشڪله تشبع
هنا وهناك..
رنا: يوول شقصدج هاا..؟
سمر : شقصدي يعني هيج جبناهه
ع المشاكل والأكل مرات هي
الناس اذواق مو كلشي يعجبها لا
واڪوو ناس حشاك تكول همج
كلشي مشايفه تلف الأخضر
واليابس وتگوم وتمسح ايدهاا
بالحايط وودم عينها فارغه
شماتحطين گدامها ماتشبع ابد
صح لو اني غلطانه..
رنا: عرفت قصدج صح عاشرتينه
كلنه وعرفتي زلمنه مايبقون ع
مره ومرات جم وحده تغلط هذا
مو معناته كلنه هيج لا چناين عمه
صبوحه وحد وماتطلع منهن
العيبه ابد لاهنه ولا زلمنه.. ياااا
عش تضحكين يولل..
سمر: باوعتله بنظره وطگته بضحكه
عاليه حته الطفل فززته وگام يبجي
گمت خربانه اخذته منها هاي رناا
لو غبيه او فطيره يااا تستغبي وتسوي
نفسها ماتعرف شي ولا وينها من ضرتها تتختل ويا حماها النهار كله
رجعت لمكاني اسكت ابن فرح وكل
شويه اطگها بضحكه لحد مافاتت
امي تقدم الهن شي يسممنه عاد
نطت الهبشه الجايبها ترجع اختي
وذبت حچايه عبالها اني فقيره
واسكت الها لو أستحي..
نجاه: انتي مره بت حلال ادورين ستر
والي امثالج قليلات وهم حظ ماعدنه
خيه اكو بيهن مسترات ببيوتهن ومحد
يگلبهن واكوو يسرحن ويمرحن بالعلن
وكله تركض وراهه ان جانت بت او
مطلقه هي حظوظ بعد مانعرف شلون
يجبهن بلكت يعلمنه الطريقه ونصير
مثلهن ويگعد حظناا..
