عُقدة الذَنب

البارت 18

• عقـدة الذنـب

• ࢪيـام السـاعدي

• البـارت الـ 18

🌼...

ـ شايف من تجيك الطعنة من أحباب
هيج جروحك تحس بيها روحية
تصور تبتدي تشتاكَـ للچتال
اذا جف التطعنك بيها حنيه
المهم ... عاذرهم وكلّ البقن سهلات
انا الجرف اليسامح روچ شاطيّه
حتى مننجرح مادام همه بخير
أنا بخير يعني وكلشي مابيه..

🌼  ...

ـ الي دين برگبتج تذڪرينه؟

ـ بعيني گولي..

ـ خوش.. جاين اني وعمتي نطلب
فرح لأنمار حمايه..

ـ فرح!!!

ـ اي

ـ شنو رايدها؟

ـ اممم عجبته

ـ ماشي هاهيه اعتبريها صارت
؏ حسب الأصول اني ࢪاح اتكفل
بڪلشي واسعيلج بيها..

ـ وهو المطلوب واريد امي هم
تشاࢪك ماترڪينها ؏ صفحه
خليها تفرح لبتها وتسوي دورها
؏ اكمل وجهه..

ـ وگفتيلي واني راح اوگفلج
وغيرها مابينا شي يضل هاهيه
سد بسد..

سمࢪ: سديته من حنان ماردت
تصير اي مشاڪل ولا عࢪاقيل
بشغله فࢪح رجعت حاچيت انمار
گال العصر اخذچ لأهلج وهمه
صار عدهم علم بجيتي الهم بدلت
وطلعت وياهم بس احنه الثلاثه
وقبلها راح بلغ اهله وصبوحه هنا
علنت الحرب ومقبلت ولا وحده
تجي ويانه اصلا اني ڪيفت موو
بعازتهن خليها تحچي وتصيح منا
للصبح طززز بيها وبقوانينها مسويه
روحها مرت السلطان وهي المي ماشي
من جواها عود خل تفرض سيطرتها
؏ العدها بعدين اني..

ـ وصلت لأهلي وسلمت عليهم چانت
امي موجوده وهذا الشيء فرحني
ڪلش عفتهن يسولفن ويا ربيعـه
ورحت لفرح الي گالبتها للخلقه
هواي شغلات متغيره بيها مو نفسها
اختي جانت ذبلانه والسواد جووه
عيونها وملامحها طافيه وڪل روح
مابيها حاولت افهم منها مگالت شي

فرح: مااريد اطلع گولي رافضه

ـ مو بڪيفج عيب المره جايه عليج
امشي بدلي و رتبي روحج واطلعي
گعدي وياهه..

ـ تعبانه سمر مالي خلگ..

ـ نسويلج خلگ ست فرح اشوو
گومي..

ـ لا مااريد بطلت عوفوني..

ـ محد جابرج حبي وثقي بالله
الي اتردينه يصير لو ؏ گص
رگبتي اني اول وحده اوگف بوجه
اي شخص يجبࢪج اسوي الي ما
يخطࢪ ع بال احد وگولي سمر ما
سوتها بس كل مافي الموضوع هو
يجبج ورايدج وانمار خوش ولد
مااريد امدحه هواي بس سبع واخو
خيته زلمه كفووو اني متأكده لو
عاشࢪتي راح تحبينه وتغيرين رأيج
بيه لج عليه طلب مو طبيعي كلها
تريده هيبه طول وجسم وشخصيه
وحته خريج بس شويه فرق العمر
الي بينڪم وبعد شغله زين ولام
عنده فلوس وبيتج وياي لح تصيرين
مرت حمايه ونهجم ال سعد..