عُقدة الذَنب

34

عقده  الذنب

• ࢪيـام السـاعدي

• البارت الـ 34...

🪻🪻🪻🪻

ـ گتلي من تعطَش تروّيك
الچفوف
وهذا انا العطشان
وين چفوفك
وگتلي إذا شَح النظر
بعيوني شوف
شفت كل الناس
بس ما شوفك !

💫☄️....

ـ يااا فاذر يابوويه.. صادوك يا
حسن وانت النچر.. الله اڪبررر
الله اڪبررر وليأخسااا الخاسئون
..

شاهين: لااا يا اغم هاي كل قووتك
جاي تستعرض ع خواتك..

موسى: اليوم اموتهن ؏ ايدي واغسل
عارنا ذني ***..

هاشم: والله ماڪو عار غيرك انت
وابوك..

موسى: انت تسكت احسلك لا افرغ
المسدس براسك فرحت فرغت الك
الساحه خوش عمي ** صارت فاتحه
بيتها ازهار للرايح والجاي..

شاهين: انچب لك واعرف أحجي
لا اهينك حاسب روحك زلمه انت
وذولاك المخانيث..

موسى: رجال وغصبا ما عليك
وع الخلفوك ابويه يشرفك ياخسيس

شاهين: الرجولة مو انك تحطلي جگارة بحلگك وطلعت الك كم شعرايه
وكيفت وگلت ع الخير اني رجال
الرجولة مو انك تكفر وتسب وتشوف الناس شوفو اني رجااااال
..
الرجولة مو انك تلعب بگلب بنت لمجرد
تراهنت انت  واصدقائك على انو توگعها وتحبك وتشمرها بعدين ..
الرجولة مو انك تجمع كم بنت حواليك نفس شكلك وتسمي روحك زير نساء
ـ الرجولة ادبك واخلاقك مو صف كلام
الرجولة معدن واصل مو حبر على ورق
من تصير عندك وقتها اتباهي وزامط
وكول اني رجال وغصبا ماعليك..

ـ لك ابن هاشم جاي تعلمني الرجوله
وابوك العار حط عينه ع مرت اخوه
وكله بالختلات لمن انفضحوا طفر
بريشه وعافها خوش تنطون دروس
بالرجوله شايفني گرون حته اعوف
ذني يمك..

هاشم: چفيناا شرك احسن الك من
شوكت صارن يهمنك؟ هسه اذكرت
عندك خوات وين چنت ومن انطيتوهن
لناس ماتعرف گرعه ابوهم منين وين
صار كم سنه من ازوجت سمر رحت
عليها سألت گلتها اختي شلونج شنو
معتازه والله اليوم اني قريب عليج
گلت خل امر اشوفج شمعتازه؟ هااا
سويتها انت لو ابوك؟ لاااا ولك اني
افر دول علمود ولدي وانتم بناتكم
شمره عصااا ماكلفتوا نفسكم خمس
دقايق تروحون تشوفهم وهسه جاي
تبح تعال شوفهاا.. گلها شبيج منو
وياج اليوم افصم ظهره السوه بيج
هيج يلا رواينه سباعيتك