عُقدة الذَنب

30

ﻋقدة الذنب

. ريام السـاعدي

ـ البارت الـ 30

💫..

ـ مثل نار بگطن مابينت مهموم  بارد بالوجه وانه احترگ سكته ....

#

ـ دفعت ايده وركضت بسرعه للغرفه
قفلتها متاجله صياحهم ورايه جريت
روب قديفه لبسته وحطيت شال ؏
رأسي اخذت نفس وزفرته وگلت ما
دام اني مغلطانه ونيتي چانت غير
؏ شنو اخاف اواجهم قابل شمسويه
الحق وياي بعد شكو..

ـ فتحت الباب صار بوجهي سلمان
گتله قبل لا تتهجمون عليه وعقلڪم
يألف بڪيفه ويصور اشياء مو صحيحه اول شي اسمعوا مني بعدين
اي واحد عنده ڪلمه فعل اني جاهزه
اله ولأحكم بحقي ..

سلمان: ايبااااه خوش كلاوات هاي
مره متزوجه ؏ ذمه رجال طالعه
بنصاص الليالي ورايحه لغرفه حماها
ولابسه ومتحضره شنو عيني تردين
تگعدينه ؏ الصلاه خلي يولن..

سمر: بس لا تنط وتصفط بڪيفك
من اول يوم خطت بيه رجليه بيتڪم
شفتوا مني تصرف مو حلو؟ لو عيني
زاغت ؏ احد منڪم عرضت روحي
گدام واحد من الولد اشو محترمه
نفسي سواء چان بتصرف او لبس
مافد يوم گابلت احد لو دگيت سوالف
وياهم هماتين كافيه شري وخيري وكل
وقتي بغرفتي حته نسوانڪم مالي اي
علاقه بيهن ليش مااكدر اسويها همينه
اگول والله زوجي مو عاقل ومخبل واني بعدني ابنيه وحلوه ومناقصني
شيء هاي انمار جان قريب كلش عليه
بوقتها شنو لو شايفني مو راحه جان
عافني عايشه اعرف بيڪم ضايجين
مني وماخذين عليه نظره بسبب الصار
بس ثق بالله لو اخر حل بعمري كله ما
ابيع نفسي لأي ڪائن اني مو كامله وصح عندي اخطاء هواي بس مع ذلك
مستحيل اسويها هواي امور احسبها
بعقلي يلا اخطيها واني مو من هذا
النوع ولا اشبهه العدكم ابد..

انمار: سمر لو عندي شك واحد بالميه
بنواياچ ماابقيچ ولا لحظه عايشه هنا
مثل مااني جبتج وقربتج لأخويه و
تغاضيت ع سالفتج الأخيره لأن اول
شي اني ظلمتج طلعتج من بيت اهلج
بالغصب وفرضت عليج حياه مو مثل
حياتج ويجوز اهون منها وعرضج
للأذيه بسببي لأن اعرف انتي شنوو
وين تردين توصلين ومخليج ؏ راحتج
بأي قرار تاخذينه وماضغطت وعفتج
وبعد مالي حق اتدخل بيج انتي وشبل
بس يامرت اخويه اني ملچوم من قبل
ولي غدرني مو غريب هي الچانت ؏
ذمتي واخويه انغدر من اختها ومنها
وماعولنه ننسى الماضي ونسد صفحته
للأبد ونبدي من جديد المفروض انتي
عندج علم بالصار بدل ماتصيرين حذره
وتحسبين حساب لكل خطوه تخطيها
لأن الوراه نباش ماعاش وعندج الف
عدو وشامت منتظرين تصيح صيحتنه
تالي تتغافلين عن ڪل هذا مايصير..