عــقدةّ الذنـب
ـ ريـام السـاعدي
ـ الـبارت الثـالث
🕸🕸🕸
-
هم الغريب يهون
#حدر_اجلد_نام
#بس اليجي #من_إعزاز
#يوصل_للعظــــــام …..
💄💄💄
الكراهيه مرض .. الحقد مرض.. قساوة
القلب مرض .. نكران الجميل مرض ..
و الحقد هو اول طريق للشر..
هجران: عووفيني كتلج عوفيني اكتل روحي والله خلااااص مااريد ازوج
اريد اكمل دراستي
حنان : لجج لاتصيرين ثوله ومطيه
وترفسين نعمتج بيدج الرجال رايدج
تعرفين شنو رايدج؟
ـ واني مااريده
ـ غبيه بيت وحدج خدم وحشم ويبا؏
لطولج ويمشي ؏ مرامج والي تردي
يصير اشلون افهم هااي لج كنزز كنزز
بالحظ يا نصيب مايطلع
ـ مااريد
ـ لججج انطيتج مجال هواي مو بكيفج
شايفه روحج بالمرايه هم حاسبه روحج
مثل النسوان عمرج 18 سنه لاجسم
ولا صخام منو ياخذج منو يباوع عليج
الرجال الياخذج شيسوي بيج شتنطي
وانتي ڪل شوفه مابيج حمدي ربج
احد گلبج ونوب مو اي احد رتبه رتبه
وعده حلال يغطي عين الشمس وذا
صرتي الثالثه مره ما تاڪل مره وانتي
بشطارتج تصيرين الأولى وتتامرين
عليهن واحتمال تسربتيهن لأهاليتهن
بلا رجعه حته لو عدهن ڪوم جهال
شغلي عقلج اتعرفين اني شلون
اتزوجت ابوج وشلون اخذته من
مرته ••
ـ حيل استهضمني كلامها اول مره
اشوف ام تقلل من قيمه بتها من
اني وصغيره والكل يتنمر ؏ شڪلي
ساعه معصعصه ساعه مسلوله سلبوح
سياح عوده مطيرچي الگاضيه انتي
ماتاڪلين بڪل مكان اصير منصبه
الهم يوم عن يوم فقدت شخصيتي
حقدت ؏ سمر بسبب هذا الشيء
وجنت اتمنه ارجعلها الاذيه اما اني
من شفت ابويه ڪتلها شي بداخلي
فرح رفعت راسي من حچت ؏
زواجها بدافع الفضول..
حنان: اعرف بيبيتج من زمان من
جنت صغيره هم جيرانه دوم جنت
احسدهم ؏ خيرهم بناتهن صديقاتي
ويجن لأمي اشڪال والوان ڪاشخات
وبيوم من الأيام خطبني لأبوج وفرحت
هواي مثل اي ابنيه يجوها خطابه ضل
عقلي يسرح ويمرح ويرسم الف حلم
بيت احلاام ليش ماهاي الأحلام تتهدم
تجي انتصار تعتذر مني تگول أخويه
يحب وحده ورادها ماڪو نصيب الج
ويا اخويه شايفه الڪسره والذل؟ من
احد يگلج مااريدج ساعتها راح تباوعين
لروحج الف مره وتگولين اني شبيه
ليش محد يحبني معقوله اني موحلوه؟
ليش محد يحبني محد يريدني ليش
يرفضني؟ وتكثر الليش وتجي امج
تگلج مو رزقج الله يعوضج بالأحسن
قسمه ونصيب ويخدرون عقلج بكلام
بس الغبي الي يصدگ هذا..
