عُقدة الذَنب

26

ﻋقدة الذنب

• ࢪيام الساعدي

• الباࢪت الـ 26..

ـ 🦋💔

ـ تاه حسابنا شنحسب
                   عليمن نشره ونعتب
دنيا وظاع بيه الزين
                      وتساوى الگشر واللب
ناس وعايشه بوجهين
                 حيره شتكره وشتحب..

💫🌼....

سمر: بس اريد افهم حظي بيا نگره
واگع ؏ وجهه منين ماالتفت الگاهه
عوجه الخلل بيه لو بالناس او بقسمتي
المصخمه عود بس شويه اگول اي
الدنيا راح تضحڪلج ماالحگ اخلص
جملتي الا والگا نفسي بمصيبه جايتني
ركض من حيث لا أدري خليت ايدي ؏
حلگي وضحكت صدك لو گالوا هم يضحكك وهم يبچيبك كلها واگفه
گدامي تبسبس وتضحك ومشمتات
الي يگول فازن بمعرڪه الچنه الغريبه
الي دخلت بينهم ماجذبوا من گالولي
ديري بالج منهن ساعه الساعه يترافگن
ويصيرن ضدج رغم الحقد والنفاق و
الخيانات الي تصير بينهم ومشاكلهم
المالها اول وتالي بس محد ينطي بالثاني گدام واحد مو منهم هسه يلا
افتهمت كلام ربيعه من گالت حته اني
لا تأمنين بيه..

ـ علياء متخوصره واگفه وتباوع بتحدي وصبوحه الي نظراتها كلها
حقد وغيض وبصفها ربيعه الي طلع
لسانها ب أخر فتره وگامت تڪرهني
وبين شماتته العالم اجت ࢪنا يمي
تگول..

ࢪنا: حبيبه هدي اعصابج ولا تهجمين
بيتج مره ماتاڪل مره هسه مو احنه
گدامج حبايب عايشات سوه بعد شرع
الله هذا الزلمه حلال اله ياخذ اربعه
بذمته كلهن يعيشن بخيره وتحت جناحه ويخلف منهن وتتعاونن بينچن
وحده تسد وشيل للخ..

ـ باوعتلها ب أستهزاء و ࢪفعت حاجبي
هزيت ب أيدي لا والله نطت نجلاء

نجلاء: انتي شكو معترضه الي يسمعج
يگول الاولى تره انتي نازله ضره عليه
يعني هي الكل بالڪل وام البيت الامره
الناهيه والها حق بيه اكثر منج..

علياء: وهي منو حته تنطي رأيها
لو تعترض كلها خلگ وحده دخيله
جابوها مصلحه وخلصت وترجع
من وين مااجت يلا ولي لمي خلاگيج
وگبل الباب يوسع جمل بعد شنوو
واگفه اني مرته وحبيته وكلشي
انتي منو..

سمر: الأنسان هو يخلي قيمه وقدر
لنفسه بالحياة يأما يࢪفعوه فوگ
راسهم ويقدرونه او يصير مداس
كل واحد گال الي بگلبه وحچه الي
يريده گدامي عليت صوتي وكلت
اني صح اجيت هنا وقبلت بشبل
بس لو اعرف بيه متزوج قبلي فلا
اقبل بيه لو يصبونه ذهب والله
صراحه نفسيتي ماتتقبل اخذ فضاله
غيري اذا انتن متعودات اني لا لهذا
بالعافيه عليها متهنايه انتي كملي ويا
واني ارجع لحياتي وكلمن يشوف
حياته..