ـ عـُقدة الذنـب
• ࢪيـام السـاعدي
• البـاࢪت الـ 20
🌼...
ـ اصعب موقف بلحضات الوداع
م̷ـــِْن تشوف الجنت تبني تهدم
م̷ـــِْن تقوي كلبك وانت مجروح
ما مهتم تبين وانت مهتم
م̷ـــِْن تبتسم
بس بداخلك نوح
الدموع باب عينك سكته تلتم
تضطر تمشي ولكن انَـَت مكسور
عزت نفسك تبررالك الهم
راح تعيش
لَـگِنْ كلبك يموت
وحساسك طيب يبدي يفهم
ـ ايـهاب المالـڪي..
🌼....
فـࢪح •••
ـ واگفين گبال البيت الي انطونه
عنوانه علي الولد للي يشتغل عدنا
هو وصلنا اسمع امي تتشڪر منه
وتگوله من انخلص راح نتصل عليك
تجي تاخذنا نزلنا من سيارته رحت
دگيت الجرس مال بابهم منطقتهم
حيل حلوه وراقيه اصلا هي معروفه
ابغداد واغلب الي يعيشون بيها ناس
طاگين مو مثلنا نرڪض وره عيشتنا
ولو احنه نعتبر نفسنه حالتنه الماديه
زينه هاي اذا چان عدنا اب بيه خير
يگول عيب عليه احوج عائلتي واخليه
تعتاز بس هيهات لاحياه لمن تنادي
واصلا منريد لا منيته ولا فلوسه لأن
الحمدلله مستوره الماعنده اب عنده
رب ماناسي..
ـ انفتحت الباب طلع شاب هيج
تقريبا عمره فوگ العشرين بس
الي فاجأني الشبهه الچبير بينه
وبين عمو هاشـم مو طبيعي
عبالك نسخه ثانيه عنده صاح
اتفضلوا امي هي گدامي گالتلهه
احنه اجينا علمود العزيمه عدكم
صاح ماعرف هسه ابلغهم جوه
وطب وطلعت وراه ابنيه شـابه
حلوه ومرتبه هم رحبت بينا و
گالت تعالوا اتفضلو جوه دخلنا
وراهه لحد ماوصلنا للمطبخ حيل
چبير وتصميمه اكثر من الخيال
عاد هي گالت مراح اتدخل بقائـمة
الأڪل بس احنه انريد اڪلات عࢪاقيه
من ايـدكم وكلشي متوفره وجبناهه
الساعه تسعه ونص الصبح عافتنه
وبديت اني وامي نحضر الأكل حطينا
اللحم چان تازه مبين علمود نسويلهم
قوزي واڪو مواد للدولمه وبصفها
نسوي طرشانه رجعت الأبنيه وگالت
عوفوا الزلاطه والمقبلات راح يجيبوهن
النه من مڪان مااعترضنا وسوينالهم
هواي اشڪال حته لبن خطبت الهم
صارت هيج تقربيا 12 ونص مخلصين
ڪلشي مرتب وجاهز اجتي هي وهم
دخلت ڪم مريه وياهن ومدحن الاكل
مالنا ساعدناهم ب النقل صار الوقت
الي نروح بيه بس مقبلوا گالوا لازم
تشارڪونا ب الإكل استغربنا فد
طلب غريب شگد رفضنا بس اصروا
حيل جانت گعده نسـائيه وڪلامهم
ڪله ب الدولار والسفر والموضــه
مبين عليهم فايخين واحنه ماخذات
وضعيه الصامت وبس، نباوع عشر
دقايق ودخلت مره چبيره ب العمر
من شافت امي شهگت وصاحت..
