عُقدة الذَنب

29

ﻋقدة الذنب

• ريام الساعدي

• البارت الـ 29..

🌼🦋..

ـ موشايب واحس بگلبي طالع شيب

ومشى كدامي عمري وفرحي ماينگظ

افگ باب الشمس ويركض وراي الليل

والاگي التايهات وما لگيت الحظ..

💫🌼..

نجاة: خويه ما ڪافي طلعوهن..

شبل: چؤؤر مايطلعن بعد..

نجاه: صدگ چذب مايصير هيج
راح يصيرلهن بالشهر محبوسات
ادري غلطن وسالفتهن ماتسولف
ابد بس هاهيه أدبتوهن ضرب ونضربن
وكسرتوا ࢪاسهن ڪلمن اخذ جزاته
بعد مايعيدنها المسامح ڪريم..

أنمار: شنو طباب خير صايره خل
يجي هذا الي دزج النه حته أگص
رجليه وأحطهن بحضنه يربيهن..

نجاه: محد دزني والله عليڪم لا
عمي طي ولا غيره اني اجيت من
ڪيفي خويه شنگول للعالم حابس
مرتك ونسوان اخوتك مو غربه هنه
بنات عمنا هيج تفضل الغريبه ؏
اهلك هسه نحچي تضوج من نگول
اخونه صاير خرگه بيد مرته الثانيه
وااخخخخخ يمه عوفني خويه..

شبل: اششش مااسمع الج صووت
ادبسزز حيوانه عربانه طلع الج
السان وتحچين بيه اگصه واحطه بيدج ويلااا ولي منا لا اخلص عليج
نعرف البير وغطاه درب الجابج
يردج ..

انمار: عربانه مابيج خير حنيتي
للمخزن ارجعج أله لو عيب من
زوجج شنو شفتينه ساڪتين هاي
الفتره استفحلتي ماعندي مانع هسه
ازورگ وانتي بڪيفج تردين هنا لو
بيت عيالج گدامهم متعلمه ؏ الدگ
مو بيدج حيوانه هسه مو ذيج اختج
شايلة ايدها من اهلها وغاسلتهن بتيزاب بس انتي الڪديشه يدفعون
بيج..

نجاه: هاي جزاتي اضربوني علمود
نسوانڪم الله لاينطيڪم أن شاء الله
ويحرگ گلبوڪم ويهجم بيوتڪم بسيطه اني الكم عليه و؏ اعدائي
اذا ماخليتك تشمرها لهاي الگ**"
ام الشوار؏..

سمر: چنت گاعده ؏ البايه مال درج
بالطابق الثاني سمعت صوت نجاة
وهي جايه تتوسل بيهم يطلعوهن
بس لا شبل ولا أنمار قبلوا بالبدايه
حچيهم عادي بس من غلطت بيه
صار صياح وهوسه مديت رأسي
شفت شبل نزل عليها بالعگال ضرب
من غير الغلط والسب والفشار وهي
شگد صلفه تلاسن كلمه بڪلمه ولا
خافت صح استخطوها بالبدايه بس
من گامت تتجاوز اهنا صدگ موتوها
ضرب گزبر جسمي من شفته زوجي
وقسوته وڪلمتها الاخيره وتهديدها
خلت انمار يجنزها ضرب لحد مادخل
سلمان ويا نصر فرغوها گوه من ايده
وهي مستمره بالسب..