عُقدة الذَنب

33

•عقده الذنب

• ريام الساعدي

•البارت ال 33..

🌼💫

ـ هذا انه عشت وجهين واحد يضحك
وي الناس و واحد كلشي ما ناسي

🪻🪻🪻🪻🪻🪻🪻🪻

فرح..

ـ شفتها سابحه بدمها رحت اركض
عليها ماعرفت شنو اسوي بهذا
الوضع اني قليله خبره احتاريت ب
امري وهي گاعده تلوب گدامي واني
مابيدي اي حيله گتله رايحه اصيح
أحد يجي جان تلزمني من أيدي..

سمر: لاااااا..

ـ هو شنو اللااااا غير جاي تنزفين
سمر اتخبلتي خل اصيح احد يجي
يساعدنا اوگفي خل اتصل..

ـ اشششش گلت لاااا يعني لااا..

ـ ياربي صبرني ولج مخبله انتي
غرگانه بدمنج واحتمال لا اكيد
الطفل ميحتاج الها روحه للقاضي
مو وكت اعنادج ڪلش ليش گمتي
من فراشج مو الدكتور گالت خلي
تنام وترتاح وماتتحرك ليش ماصحتي
عليه لو مخابرتني اجيج ركض..

ـ اني وگعته ..

ـ جحضت عيوني وعطت.. شنوو
لااااا مستحيل.. سمر تتشاقين
موو..

ـ ساعديني اغسل بس ميحتاج
اروح هو الطفل وگع..

ـ دقيقه بس استوعب كلمه كلمه
شنوو وگعتي شنو الطفل راح
انتي واعيه شدگولين؟

ـ فرح تره واصله لخشمي طافره
روحي مو وكتج گتلج ساعديني
اروح للحمام واغسل والبس شي
نظيف..

ـ هو غير تروحين للدكتوره..

ـ ماكو داعي بس سوي الگتلج
عليه..

ـ سندته واخذتها للحمام وجبت الها
ملابس غيرت ورجعت للفراش رحت
سويت عصير وجبت فواكهه بدون
وعي مااعرف شنو اسوي ضليت
افرك بيدي واروح يمنى ويسررى
دخت من كلامها واني من غير شي
بالي مشغول بالرساله بيدي موبايلي
ومحتاره منو ابلغ والمن احچي ردت
اتصل ب وأمي بس خفت عليها بهذا
الليل شنو يجيبها رحت يم سمر لگيتها
غافيه راسلت انمار ماكو كل مره عنده
نت من يشوفني يجاوب مايتأخر بس
هاي الفتره مدري شجا رحت ابحث
عن الاجهاض بالبيت وشنو الازم اسوي
الها تعبت وعيوني وجعتني جريت
مخده وانجطلت بصفها واني الف فكره
صارت براسي تتناطح..

ـ ثاني يوم فزيت ع انين اختي وهي
تتوجع سألتها شبيج شو اليوجعج!!

ـ وديني للحمام..