عُقدة الذَنب

البارت الخامس

عقـدة الذنب

. البارت الخامس

. ريام الساعدي

🕸🕸🕸🕸

مِن ثِگل بية أنتظارك سافرتلَك وأنحنيت
سافرِت لأخر مَحطة بيها مَصلوب الوَداع
وما لگيت رسوم حِزني،شگد بچيت
شگد دمع ذَلني ونسيت
شچم هلا انذبحت بروحي
وما أجيت !

.....

فرڪت عيوني هاا؟ شنوو..منوو
شڪوو يا هاشم منين طلع ها..

ازهار: بلا لغـوه وتعاي وياي نروحله

ـ اي يمه سمعت نروح بس اريد افتهم
يعني هذا العم الظهر فجأه راح يحل
مشڪله سمر ويوگف بوجهه ابويه
ويعاند ام الثقلين ڪلها خيرج ام الزوز
حلمانه عمي هذا مو عم سوبرمان

ـ دنجبي وبلا سخافتج بدلي وياي
ولاتصيرين سفيهه كافي لليوم اني
ساڪته وبالعه الأذيه بس مااتحمل
من توصل السالفه الچن يرڪبني
جن لا ابوج ولا عشيرته توگف بعيني
سنين واني صابره طفح الڪيل

فرح : عاااا الله صارت صدگ بشرفج
راح اشگين الچفن؟

ـ ولجج حيوانه طايجه حظ اني
امج

ـ يبووو هسه اذا وياج مااخذ ميانه
ويامن اخذ

ـ عود من تتزوجين اخذي ميانه ويه
زوجج

ـ ماطلع زواج هذا مصباح سحري
عود من تتزوجين حفي لبسي رگصي
سوي هيج ادري بلا ماتزوجت تضل
بنفسي اخخخ يلقهر شوكت يجي
بغل احلامي..

ـ هااا ولج تردين رجل موو..

فرح ـ ضيگيت عيوني وحچيت بلهجه
اهلها چا وحد اختفت ابتسامتها
وغرغرت عيونها ودارت وجهها
مني غميت گصتي مو وكت تفاهتج
صلحي موقفج لكك نسيت اذا رحت
راح افهم السالفه الشالغه بالي..

ـ گمت طلقه لبست الجبه وحطيت
شالي وجاي احط مكياج واجتني
كفحه من امي..

ـ مرايحين نزفج يلخفيفه مسحي
وجهج لا امسح الگاع بيج..

ـ اووف شمخليه اني انتي شايفه
البنات يشسون حمدي ربج اني
بنتج ومطالعه عن الطريق..

ـ دطلعي ارجعج بشحاطتي وايبس
ظهرج وظهر الخلفوج..

ـ عاااا گوويه گوويه ازهيره شنوو
يوووما جاي تضربين بالعالي اگول
خاف موسى منطيج شي.. غمتني
وگالت جملتها المعتاده يومين وتتطلگين ويرجعوج عليه ؏ هذا
اللسان والغباء العندج..