عُقدة الذَنب

36

عقدة الذنب

• ريام الساعدي

• البارت الـ 36..

ـ 🪻🪻🪻🪻🪻

ـ ⚜️
ليّالِي الضِيم باگن بَسمة الشِفة.

إلمّن إجِيت تأخَرت، صَاير

بعِيني جَنازة مَرات يرجعَلك

بِشر بَس أنتَ مَا تعِتازة..

💫🌼...

( فلااااش باگ) عوده للماضي قبل
شهر...

ـ ولد ..

ـ بهت وجهي ورجعت سألتها انتي
متأكده؟ ولد بيه

ـ اي حبيبتي هياته گدامي واضح
غريبه راح يصيرلج ثمانيه أشهر حامل
وهسه يلا عرفتي جنس الطفل.. يلاا
المهم الف مبروك تولدين وتگومين
ان شاءلله بخير وسلامه..

ازهار: تسلمين دكتوره

فرح : احلا شعور ممكن اي ابنيه تحسه
هو احساس الامومه خاصه من انوو
اكو شيء صار جزء منج راح يتقاسم
وياج وتتشاركون بڪلشي سويه بس
الي مثلي راح تعيش شعور الخوف
بكل لحظه تكبر هاي الروح بداخلها
لحد ماراح تجيبه ع هاي الدنيا هناا
اضعاف خوفها راح يزداد..

ازهار: شبيج امي معبسه گولي
يالله هذا رزق من ربج اكو واحد
يگوله لاااا ليش شايله هم الدنيا
ع راسج فروحه يمه اكو شيء
صاير مانعرفه؟

فرح : هزيت براسي ب لااا..

ازهار: شوفي يمه بغض النظر عن
الصار عوفي مشكلته اختج ع
صفحه اذا زوجج زين وياج وما
مأذيج وبعده يريدج وتردين ترجعين
لبيتج گولي محد يوگف بطريقج..

فرح : قلصت حاجبي وگتله إرجع؟
بعد كلشي سمعتي عنهم.. رجعت
گالت

ـ اني سمعت عن شبل وسمر وصح
اخوه ساعده وجان جزء من الصار
بس هذا مايمنع انو انمار خوش
ولد ويحبچ وشاريج وراح يصير
عدكم طفل شنو ذنبه يعيش بلاا
اب افصلي مشكلتج عن مشكلة
أختج..

ـ ضحكت بيني وبين نفسي لحد الان
الكل عباله اني زعلانه ع زعل سمر
ومحد يدري بحالتي شنو ولا اني
حچيت لأحد عن الشيء العرفته من
إشهر لليوم ماعندي تواصل ويا مثل
ماهو مايطخ راس اني هك صرت مثله
مجرد ما گال اول وتالي راجعات لأل
سعد حچاها بكل ثقه معناته عنده شي
راح يجبرنه احنه نرجع وبرجلينه هم
بس شنوو الله اعلم

ازهار: فكري يمه الطلاگ مو شي
سهل وخاصه اذا اكو جهال بينكم
يضيعون لخاطرهم واحد يصبر
ويتحمل هواي ويدوس ع نفسه اذا
نفكر ب انانيه جان من زمان هواي
اطفال ضاعت مهما كان الأهل وجودهم سوه خيمه حته لو موزنين
بس شنسوي هاي حال الدنيا..