عُقدة الذَنب

11

• عـقدة الذنـب

• ريـام السـاعدي

• البـارت الـ 11

🌼

..

ـ غلطه حبك وغلطتها وإني أتحمل غلطتي
وحيل بيه وبعد خلها تحرك خدودي دمعتي
اخ يرؤحي حيل بيج من يشيلج هل وكعتي
عفتي كل ناس ليش وبحب هل ظالم قبلتي 🥺💔

💄💄....

ـ شنووو شنوو عيني؟ لو تموتون
ماابقى دقيقه هنا بعد هسه اروح
لأهلي لابو هيج عيشه گشره لاابو
الزواج

نجاه: ماانصحج تره

ـ هههههههاااي واني عاد كلش اهتم
للنصايح بابا بعدكم متعرفون منوو
سمر

ـ وانتي متعرفين منو ال سعـد

ـ طوزززززز بيكم وب ألڪم..

ـ حطي عقلج راسج احسن الج
بكل الأحوال مراح تستفادين شي
من عنادج وصياحج..

ـ عقل؟ عقليش شنوو انتم تره لو
اريد اسويها عزا عليكم واگلبها
گلاب لا ال سعد ولا دوله بڪبرها
توگف بوجهي مصدڪين روحكم
كلش تره احنه جاي نلعب لعبه من
ناحيتي وناحيتكم لو نوزنها ب عقل
اثنينا كل واحد يريد شي ومتحمل
الثاني علموده فلا نقشمر ع روحنا
اكثر خوش مو اغبياء؟

نجاه: اني معليه انتي وياهم بس
گلت راح ترجعين ايد ليوره وايد
ليگدام ومتحلصين شي ..

ـ د روحوو... جريت جنطه وخليت
كل ملابسي بيها واني ماخليت اي
كلمه تعتب ع لساني ماحچيتها تهي
بهي يردون يلعبون عليه لك اني العب
عليهم مصلخ خاف شافوني سـاڪته
للوضعيه عبالهم ياڪلوني والله زين
هم اهل الرأي مزوجيني خبل وعائلته
اخبل منه بعد وتعاي يا سمر صيري
المرأة العراقيه المضحيه..

نجاه: مراح تطلعين..

ـ امشي طلعي بره..

ـ اممم نشوف..

ـ شافج عزرائيل انتي وعشيرتج
وفطس روحكم الجايفه..

ـ هين هين..

ـ دنچبي..

ـ طلعتها وضليت افتر لازم احسبها
حساب عرب مو وكت عصبيتي ابد
اذا اروح لأهلي زعلانه واخذ سالفه
الغرفه حجه اليه ممكن اكسب وقت
واطلع بنتيجه مقبوله بس ياخووفي
من شي هو انو ابويه عده علم ب
كلشي وهاي مااستبعدها ابد فكرري
سمر فڪري!! شلون هسه اخابر
سفيان واشڪيله وهو يساعدني
او موو هسه خاف يگول بعدني
مگايل اخخخخ يا رأسي وتلگتني
بمصاييها اويلي ع حظي الاغبر
النايم..