عُقدة الذَنب

12

عقـدة الذنب

• ريـام السـاعدي

• البـارت الـ 12

🌼

🌼

🌼

ـ‏العدو الصريح يسـتحق، الاحترام اكثر من الصديق المنافق...✌🏻
وبعــــــــــد.....

وردة واحدة لإنسان على قيد الحياة، أفضل من باقة كاملة على                     ق"ب"ره💔 #🖤..

💄💄

سفيـان: الله عليـج؟

سمر: اي والله وداعتك صار ساعه
مصدومه اغمض عيني وافتحها
واگول شنو حلم لو وهم يعني تخيل
گدامي صوت وصوره بث مباشر..

ـ ههههههاااي لج لو مصوره..

ـ حرامات فاتتني شلون ورقه رابحه
راحت مني..

ـ لج لا راحت ولا راح تروح مبينه
الشغله مو جديده لاعبين من زمان
بس هم مو كافيه هاي بعد شووفي
منا منا ضروري يكون بيدج الـف
مستمسك سمر الدنيا تخوف وما
تنحزر ع الأقل ضمان الج ب المسقبل
واني گلتها الج تذكرين؟

ـ اي اذكر سفيان

ـ عيونه..

ـ اخخخ تعبت والله هسه اني شجاريلي
بين هاي الهوسه والأحداث مڪافي
عليه اهلي سبب دماري وتعبي انووب
اتورط بعائله ماينعرف گرعه ابوها من
وين شلي بيها وبهاي الدوخه ليش اني
من دون كل البنات مكتوب عليه اطب
بهيج دوامه شنو المغزى والأستفاده
الي راح ادور عليه.. احلامي.. حياتي
كلها اشوفها عدم شكد مااكول اني
قويه وگدها واگدر احارب الدنيا كلها
واطلع ب نفسي بس القدر يغلب ع
امري ويخضع لأرادته تره ابنيه غيري
من زمان تطلع عن الطريق وتگوول
هي خربانه خربانه هاي جنه وهاي
نار والنار أهون اليه من الضيم..

سفيان: اگول سمر سؤال؟

ـ اجاك الجواب گول سفياني..

ـ ؏ طاري ڪلامج الگلتي ليش
ماسويتيها..

ـ شلون يعني..

ـ اممم مااعرف بس شغله گلتيها
هسه يعني تفكيرج..

ـ اهااا انت شدگول..؟ قصدك ليش
لهسه ماانحرفت لو سويت شي
غلط..

ـ موقصدي بس هيج فضول لا
اڪثر..

ـ هااا..

ـ براحتج لا تجاوبين واعتبريني
مانطقت اصلا..

ـ لا اجا بوقته السؤال..

ـ اي وجوابج شنوو..

ـ الجواب هو الحياه مو ورديه دائما
ومن اول ما تفتح عينك  ؏ الحياه
وتشوف الأسوء من بدايته هنا راح
يصير عندك خوف وحذر وشويه شويه
التجارب تهيئك لأمر معين مثل طفل
تگله هاي نار چووو لا تلزمها هنا عقله
تلقائيا راح ياخذ حذره واذا جازف
وماسمع الڪلمه راح يحترگ بنار
هاي اني هيج تربيت واذا تريد الصدك
امي ماعافتني واكيد اذكر كل كلامها
بعد العائله تحكم والگرايب والاصدقاء
الواحد ياخذ من كلشي يصادفه گدامه
تجارب يستخدمها..