عقـدة الذنـب
. ريام الساعـدي
. البارت الرابـع
🕸🕸🕸
هلي زاد الوجع ضمولكم صوره...
#
💄💄
سمر : مااعرف مااعرف هاي اكثر
كلمه اگولها ويه نفسي التايهه شنو
اريد بالضبط ليش حياتي من دون
كل البنات هيج ليش انخلقت ويه
هيج عالم ليش محد يحبني ليش
يڪرهوني شنو سويت يوم عن يوم
اعيد واڪرر نفس السؤال ويا نفسي
ماالگه جواب غير جواب امي لا
اتخلين بالج ويا هذه السوالف ڪلها
غلط انتي بنتي وبت ناصر وبس..
ـ مرات من نشوف معامله اهلنا القاسيه
الها مايخطر ابالنا غير شي واحد هو
يا اما مايحبونا او احنه مو اولادهم
شي يضحك مو؟
ـ ساعات تجيني صفنات واروح بغير
عالم هيج خيالي يسرح لوحده بأنوا
اجي فد يوم ادخل للبيت والگه عدنه
ناس وهالناس منو؟ يگلولي اهلج
جاين ياخذوج وياهم واني هنا شنو
انصدم ويبدي دور الاڪشن والكرامه
وارفض اروح وعود اخذ موقف منهم
ومااريدهم تالي يجبروني افوت اسلم
عليهم واخذ دور الرافعه حاجبها ومحد
عاجبتها ومااهتم الهم وافوت اتعرف
عليهم امي التبچي عليه وابويه الي
منتظر رجعتي وعندي اخوان وخوات
ولد عمي الي ضايجين مني مااعرف
ليش ومعاجبهم لبسي وطريقه حچي
واني اتبختر گدامهم واطك بعلچي
ويگلولي احنا عشاير مايصرفلنا هذا
الحچي واني اع***
ـ يبووو احداث هواي استغل امي
واقطها بمبلغ معدل اكشخ بيه من
دون محد يعرف وابويه هم استغله
واگله اووي فلان ضوججني ويرزله
واروح يمهم بنات عمي يطكن قهرر
امووتهن ونوب ابن عمي يحبني و
اني اشلع گلبه واخذ من عدهن و
نخلصها مشاڪل وسحوره لحد ما
سفيان يتصل عليه ويكطع الخيال
واحچيله ويطگ ضحك ونبدي نسولف
اني ويا للصبح وثاني يوم ياخذني
لمطعم راقي وراها لمحلات غاليه
اشتري ملابس هيج خلصت حياتي
من تضيق اوگول طووووز
ـ لحظه يعني اني مخبله؟
ـ شنو احس من بعد ڪل الصار ما
انقهرت ولا نزلت دمعتي ولا حسيت
بأي مشاعر ؏ عڪس العاده العالم
من تواچها مصيبه تبچي تنقهر تعبر
عن للي بداخلها اني ليش لا..
ـ وحته وره مخلصت سالفه سـفيان
واجتي امي گالت اڪو ناس جاين
عليج اطلعي بدون اي نقاش بدلت
وطلعت الهم ليش؟ هاي اني سمر
لو مبدليني
