عُقدة الذَنب

35

  عقدة الذنب

• ريام الساعدي

• البارت الـ 35..

ـ 🪻🪻🪻🪻🪻

لاتـخـلـي الـوادم تـعرفـك حـنين صارت الـطيـبه تـره نقطه ضعف

💫🦋....

فرح : بعد ماعرفت بيه متزوج
ايقنت اني شگد جنت غبيه و
مخدوعه بيه رغم كلشي جان
واضح گدامي... ملابسه التتغير
كل ميرجع لو الاثار الي جنت اشوفها
بجسمه ولا طلعاته والمتأخره والأتصالات تالي الليل واهماله اليه
اول ايام زواجي منه عشت احلااا
لحظات من اشوفه هو يعبرلي عن
حبه واشتياقه بكل الطرق ويگلي
مجاي اشبع منج بكل وقت اريدج
وياي بس كلشي اختفى من اول يوم
حملت بيه وگام يجافيني بروده..

ـ بعد ماواجهته وطلعت كل الي
بگلبي عليه جان رده حقير مثله
مرجعچن لأل سعد.. شطت بدمي
ورجعت ردت اخابره بس لگيته
حاضرني ردت احجي لسمر من
اجتني تسأل ع حالي بس اكوو
شي بداخلي منعني..

سمر: ايام صعبه مرت عليه مااكدر
اوصفها بعدني بحاله التشتت ليلي
كله ارق اخلصه بالتفكير اخذ اكثر
من قرار واگعد الصبح ماانفذ شي
عجز خمول كأبه طاقه صفر اگول
راح اسوي هيج ولا اطبق شغله من
الي أگول ساعه اذب اللوم عليه وساعه
ع القدر والظروف ومرات اگول لااا
هذا مو ذنبي ذنبهم واني ضحيه بيه
ال منو احجي مااعرف ومنو يگدر
ينتشلني من حاله الضياع الي اني
بيها مجاي اطلع من نقطه الصفر جاي
ادور بنفس المربع قررت اراسل اساور
واحچيلها بلكت تنقذني هي اكثب وحده فاهمتني وتعرفني واني استمع
الها..

أساور: لو منچ اشمر كلشي وره
ظهري وابلش من جديد اسمعي
كلام ابن عمج وعمج اطلعي من
القوقعه الانتي بيها روحي اشتغلي
غيري جو شوفي ناس هي مو علمود
الفلوس لو انتي معتازه بس راح
تحسين بقيمه نفسج وانو الج فد
دور مهم راح تكونين شخصيه وكيان
هاي اول خطوه تدوسين بيها ع كل
شخص گالج انتي نكره تخلصي من
هاي العقده..

ـ تمام صح كلامج بس اني ادور
اليه شغل مااريد منيه احد..

،،  حبيبتي سموره تره الوظائف
ما متانيتج بالباب هسه احنه ب
زمن الواسطه ورب الكون حته اذا
تردين تشتغلين فࢪاشه هم لازم يكون
عندچ فيتامين (واو) الي هو الواسطه
اني لو منچ اقبل بالعڪس اقبلها من
اي واحد حته لو عدوي انتي محتاجه
توگفين ع رجلج رتبي نفسج واستعيدي طاقتچ وراها نفخي ريشج
ودوسي عليهم وشوفيهم منو سمر..