عُقدة الذَنب

23

• عـقدة الذنـب

• ࢪيام السـاعدي

• البـاࢪت الـ 23

💫..

ـ هلي ..

ضَيعتني جن رصآصه وضأعَت بساتر قَديمّ

و ليشَ مِن گتلك لگيتك ضَيعتنيّ

مثل العراق ضيعتني بلا سبب

🌼🦋...

ـ الوو.. هجران شبيج؟

ـ فرح صيحي امي وتعاي راح
اموت الحگولي راح يموتني
اخخخ بطني.. دم.. نزل دم ابني
مااتت مات..

ـ دم؟ طرحتي منو وياج.. الوو
هجران شنو هاي الأصوات منو
هذولة.. انسد الخط واني ركضت
؏ الحمام دگيته واني صيح حنان
الي طلعت مخترعه..

حنان: شڪوو ولج منو المات

ـ خاله الحگي هجران

ـ يمه بنتي شبيها..

ـ ماادري اتصلت تصيح وتگول
الحگولي راح يموتني..

ـ يمه بنتي بس لا اذنها ذني الما يخافن
من الله ولج صعدي جيبي عباتي وشال
رجليه بعد مااتعيني اصعد سوده وين
تلفوني خل اخابر ناصر..

ـ طفرت سويت الدرج شبختين ركض
جبت غراضها وهي تلبس وتخابر ب
ابويه مدري شگال الها بس سمعت
هي ب المستشفى نقلوها هناك ضلت
تعيط وتصيح وراحت اجيت سولفت
لأمي گالت مابيدي شي بس ندعليها
بقيت انتظر ب السـاعات وين يلا
الكل دخل من ضمنهم زوجها جانت
تعبانه گوه تمشي اخذناهه للغرفه
نامت وغطيتها طلعت لگيت مالك
يهد ؏ ابو ليث غسل شࢪاعه غسل
وابويه ساڪت وحنان تلوم بيه
وهو يبرر الي عرفته نسوانه هادات
عليها لأن هو مقرر يطلگهن وهاجمات
عليها هنه وبناتهن وخواتهن بحجه
جايات خطار الها ومن فتحت الباب
ودخلتهن يمها گعدن شويه يسولفن
وصايرات يشمرن بالحچي عود لگنها
حجه وخلقن مشڪله وڪاتلاتها و
متعدات يضربنها ؏ بطنها القصد من
هذا يوگع الطفل وصار فعلا العامله
متصله ؏ زوجها ومخابر مهدد الكل
وهنه خايفات وطالعات يرڪضن
وبعدين نقلوها للمستشفى من خابرتني
چانت بالسياره

ـ مالك يگول هسه تطلگها بعد اختي
ماتعيش وياك شنو فصليه نسوانك
يهدن عليها واكبر غلط من عدنا احنه
هم صوچنا زوجناهه لواحد بگد ابوها
وبرگبته كوم نسوان عبالي راح يأيدون
كلامه بس ابويه سڪته وامه خزرته
وماقبلت من تعابير وجها هزيت ايدي
هنيالي اي والله ويامن تحچي انت
همه يشوفونه صفقه رابحه مايفرطون
بيها ابو ليث ڪنز بالنسبه لأبويه و
حنان حته موسى مراح يقبل..