عُقدة الذَنب

31

. عقده الذنب

. ريام السـاعدي..

. البارت الـ 31

🌼..

ـ انا محبس قديم
وبالغلط مبيوع
لهسه الباعني يحس بنقص بيده

🌼💫..

ـ لاتنسون التصويت والتفاعل هم..

🦋🪻💎...
ـ

ـ وحده اثنين اتلاثه اربعه ولج
شنو هذني ڪلهن يمعزايه..

فرح: جنط يمه جنط..

ـ ادري بيهن جنط قابل علاليگ
مال مسواگ شدعوه هلگد

فرح: بالعڪس قليلات مو؟ بلا
الحگ اجيب بعد..

ـ صخام نوب تريد بعد ولج اني
بزواجي جنطه وحده اخذت وياي
واجيت بيها وانتن جيل هالوكت
مترهيات مو صوچج صوج ذاك
الجيبه فالت النهار ڪله يترس بحضنج

ـ اهوو يمه قابل الواحد كم مره
يعرس يادوب يكفني هاي الغراض
انتي شايفه البنات شتجيب..

ـ وانتي تقلديهن؟ لج متحسبين
احساب نگلتي السوك ڪله هاي
حظر وڪورونا ومگعدتي راحه
هي بالكثره الموديلات تتغير كل
فتره والجو مو ثابت شنو يمه بعد
الزواج ماراح اطلعين للسوگ لو
تبقين ع ذني..

ـ اطلع وازيد ذني واجيت هم
بعد اخلصها ملابس.. مكياج
حته اكل مااطبخ كله دليفري
ومطاعم واگعد اشغل مسلسلاتي
واباوع عليهن..

ـ خوش والله بس تتزوجين يومين
وترجعين عليه والله مااستقبلج هاي
تاليته الدلال والناس حاسدتني عود
مثل الخلق عندي ابنيه گلاصات المي
مشمرتهن جوه چربايته والنهار كله
لازمه الموبايل وعاميه عيونها بيه. .

ـ النهار ڪله اكرب اكراب الخيل ما
تشوفيني بس من الزم الصخام اطلع
مامني فايده هو هذا هم حظي مثل
السمچ مأڪول مذموم الك بيها اراده
ياخالق الجراده ..

ـ هو هم حاسبه تنظيفج تنظيف شو
جاي المم وراج شغلج كله ادحس
ومن فوگ تگشين وهاي عود مسويه
روحها مشتغله..

،ـ الووو.. علي عذاب وينك..

ـ ديلا بلا سوالف وروحي انطي
المره فلوسها لاتخليها توگف ؏
باب واني اروح اشوف البيت بعد
شنو يحتاج..

ـ يمه مالك مايقبل يگول خل تعوف
كلشي عليه بس يحتاج شويه صبر
منج ويحلها.

ـ كلشي مااريد منها لوكتها الله
ڪريم تفرج مايضل شي ؏ حاله
شفتي يمه هذا الدنيا تتغير بين
الثانيه والثانيه صار 26 سنه اني
متحمله وصابره وسلمت أمري بيد
رب العالمين هو ولي امري ماخاب
من ظن بالله خير هو احن وارحم
الراحمين ؏ عباده..