؏ـقدة الذنب"
. ريــام السـاعدي
. البـــــارت الأول
🕸
🔥🔥🔥🔥
ـ اثاري الناس
سولتها بعيوب الناس
محد ملتهي بعيبه...
🕸💄
ـ
اڪو مقوله تگول...
(الجمرة ماتحرك غير صاحبها)
مهما شرحت مهما حجيت ماراح يفهمك أو يحس بيك أحد لأن ..
ويه الوكت راح تتعلم مو كلشي تشوفه تصدكه ولا كلشي تسمع عليه حقيقي ...
ـ بمرور الوكت راح تعرف ان التمثيل يم البشر فن موجود بالواقع اكثر من الافلام ....
ـ لاااااا … عووفني عووفني لااااا
ـ اصرررخ وارڪض واني عيني تلتفت
ليوره أشووفه لاحگني احس زردومي
انشخط من گد الصياح ورجليه ورمت
مگد ما أنجرحت من الگاع مليانه ملي
عاگول يابس مااعرف وين اروح ولا
اعرف شنو هذا المڪان ساعه اشوفه
بستان وساعه اشوفه أرض مليانه شوك
ڪل ماافوت يطلعون مجموعه يلحگوني
وانهزم منهم ويختفون يبقى بس هوو
ما عافني صووته رعبني هو يصيح
ورايه
ـ خويت وتعبت وفحطت واني احاول ابتعد عنه صارت عيني ؏ نهايه
الطريق سياج عالي وبصفه شجره حيل
ضخمه فجأه انظلمت الدنيا وصارت
ترعد عواصف هجت من ڪل مڪان
گمت مااشوف ضليت افتر حته اشوف
مخرج حسيت بصوته ورايه انداريت
شفته يتقرب بخطوات اليه واني
ارجع انلوت رجلي وگعت ؏ ظهري
وصرت ازحف بأتجاه الشجره بخوف
ورهبه شلت كل حواسي ومنتظره
نهايتي ؏ ايده طفحت ريحه مجاري
خنگتني وشي رطب لامس جسـمي
باوعت مي قذر لونه اسود صار يعله
ڪلشي اتبخر بلحظتها واختفه واني
اغرگ بيه عيني عليه هو صار يبتعد
واني مديت ايدي للغصن احاول اتمسك
بأي شي يطلعني ويا ما لزمته تحوول
الغصن احمرر وصار يجري منه دم
فلتت ايدي وگعت بنص السواد..
ـ فزيت مرعوبه واني ؏ نومتي اخذت
خمس ثواني رجعت غمضت عيني
وفتحتها جاي احاول استوعب الي
دايصير ايقنت انو اني جنت احلم
ـ لزمت گصتي نار ونزلت ؏ شفتي
احسها يبست خليت ايدي ؏ گلبي
واخذت نفس وزفرته اڪثر من
مره فززني صوت موبايلي يدگ
گمت سفيان يتصل انطيته رفض
شفتها ب 6 و20 دقيقه يعني ما
صارلي ساعه من غفيت نزلت من
چربايتي ورحت گدام المرايه صافنه
گلت من شوڪت اني احلم هيج
أحلام ؟ مااخذت غير دقايق ونفضت
هاي الخزعبلات من راسي بطرانين
ذوله الي يخافون من حلم لا يقدم
ولا يأخر شي واني مو هيج حياتي
اخططها بيدي مو بيد احد ..
