عُقدة الذَنب

البارت السابع

عقـدة الذنب

. ريام السـاعدي

. البارت السـابع

🕸🕸🕸🕸

اتمنى ارجع طفل
.

.............. وبصفي انه احتفل
واسمع يدك الجرس
............والحله هوسه وعرس
نلعب لعب وبشبع
............... ونوادع احنه الربع
ياوسفه مات الامس
.........  .... وضيعنه اخر درس
وطبشوري ابد ماكتب
............والرحله صارت حطب
والعمر عده ومشه
.............والشيب بينه انتشه
والفرق لون الصور
                مات بحلم بي امس
............. وضيعنه اخر درس ..💔

💄💄

ـ جمعت قوتي ودفعته مني مااتحملت
بسرعه تقيأت بالسياره والمكان صار
وصخ هو كشت نفسه وفتح الباب
وصاح..

ابو ليث: هاي شسويتي نزلي نزلي
لوصتي السياره ولعبتي نفسنا هوو
هيج گالوها..

ـ نزلت من سيارته فاقده ومنقرفه
منه عيوني غوشت واحس جسمي
كزبر رجفه كوه وصلت للحايط مال
مدرسه وگعدت شافني نسوان و
طالبات عبالهم متخربطه من الامتحان
شربوني مي وغسلوا وجهي گوه جريت
النفس رفعت عيوني مالگيت السياره
بعد مااستجمعت طاقتي خابرت مالك
يجي كال هسه..

ـ رفعت. راسي ماشفت سيارته ضليت
ابجي بمڪاني اجاني مالك متخبل
وصار يسأل شبيج ليش هيج حالتج
شنو مجاوبتي لو شنوو احجي..

ـ ماكدرت انطق كلمه جسمي كله يرجف
واختنگت گومي للسياره وصلني للبيت
تغطيت وامي فوگ راسي تريد تعررف
شڪوو الكل عبالهم مامجاوبه ع وضعي
غفيت واني الدمعه بعيني

ـ ارتفعت حرارتي بيومها وحاروا بيه
ومن جهه سالفه موسى واني مالك
راح اجلي كل الأمتحانات كرهت المدرسه وذاك المكان وكرهت ابويه
وكرهت امي وكرهت كلشي..

فرح : ادري مشربتهم حليب چلاب
مابيهم كل حنيه شنو ذوله..

ازهار: شبيج تولولين؟

ـ عيالج هذوله شلون جنتي متحملتهم
شلون كعدتي وياهم اكو ناس امهم
ميته وماتشوفين نظره حزن مابيهن
وحده نزلت دمعتها لا من ولد ولا من
ابنيه ابويه حاير ب موسى وعايف
الفاتحه واخوته تگول خطار اجووي
اول يوم وطفروا وعماتي الحيايه
مسويات استعراض لبناتهم ويدللن
بيهم شنووو هاااي..

ـ هههههه ضحكتيني والله

ـ لا صدك يمه يعني هذا الانسان من
يطغي ويظلم ويفرق ويخلي ناس
تكره ناس مايفكر ب اخرته مايگول
باجر اني اموت ورايه حساب وكتاب
هسه شدگول لنفسها من صارلها اسنين
معاديتج ابيش اتقابل ربها..