عُقدة الذَنب

البارت 19

ﻋقـدة الذنب

• ࢪيـام السـاعدي

• البـاࢪت الـ 19

🌼...

ـ آنه شارَع طوُيل هوُآي بَي عثرآت ...

#...

سـمر •••

ـ مرات الحياة تفرني تفرني وترجعني يم نفس النقطة اللي اركض بكل قوتي حتى ابتعد عنها....

ـ حسيت عقلي وگف وراسي انسطر
واني اقره المڪتوب گدامي عيوني
غوشت وࢪاسي صدع بين ڪلامه
الي ڪاتبه بديت اقراه ڪلمه ڪلمه
سطر سطࢪ گمت بسࢪعه قفلت باب
الغرفه وتإكدت ماڪو احد همزين
ربيعه اڪثر وقتها ب بيت ال سعد
وانمار طلع هو سلمان واخذ شبل
ويا هناك ؏ اساس يعوده ؏ اجواء
اهله ويحاول يذڪره بكم شي..

ـ رجعت اقره الڪلام الگدامي بدايته
جان استهزاء..

ـ شلونها سمسمتي شنو ما مشتاقه
لسـفيانج وين هل غيبه بذاته حيل
صايره متسألين عليه اي عيني ليش
لااا من لگه احبابه نسه ايام الشقه
والونسه لجج اووف ميت ومشتاقلج
مووت حبيبتي السمࢪه يلا عادي انتي
مشغوله اما اني فارغلج من زمان
واعرف ڪل شارده وارده صووت
وصوره كلشي يوصلني ؏ الجاهز
بدون تعب عايش وياڪم وعندي
وأعرف كلشي يخصج..

ـ دخت من حچيه هذا شيقصد شنو
يعࢪف ڪلشي؟ زين منو ديوصلهه
اخباࢪي الا اذا اڪو احد متواصل
وياه گمت افتر وهو مستمر يراسل
وب الأحرى يلعب ؏ اعصابي لعب
ونص كلامه تهديد وخبث وتحقير
وختمها اخر شي بموتج قريب..

ـ انجنيت وعقل ماضل بࢪاسي من
أسلوبه حاولت گد مابيه الزم اعصابي
وأجاري واعرف شنو يريد بالضبط
بس قبلها تجرأت وࢪاسلته گتله ب
صريح العباره منو ساعدك؟ رجعلي
جواب ويا صدمتني من عرفت الأسم
الي گاله عيوني صارن بگصتي صح
چنت شاڪه بيها بس شلون..

سفيان: نجاة حماتج سمسوم..

ـ نجاااه؟ شلون وصلت الها..

ـ ههههههههه سهله وأسهل منها
ماڪو من انتي حاچيتلي عنهم
واني بطبعي ذڪي وذاكرتي قويه
سمر اني اعرفج من سنين اندل
بيت أهلج واعرف ارقامهم وحساباتهم
نفر نفر واعرف حياتڪم شلون ماشيه
وانتي بلسـانج گايلتلي كل سوالفهم
ورجعتي ڪررتيها ويا اهل زوجج
المخبل نسيتي لو اذڪرج من طبينا
اني وياج وشفت صورهم وحساباتهم
وشگد حچينا وقتها وكل مايصير شي
اني اول واحد يعرف بيه واخر موقف
هاي الأبنيه الڪتلوها وحماج ومرت
حماچ العدهم علاقه واتوقع گلتي
عدهم ابنيه ب العشࢪين ضاله بعدها
ممتزوجه وسالفه التلفونات الي
مضمومه وهاا تڪرهين نجلاء ومرت
نجم اسمها شيماء واختها موو..