عُقدة الذَنب

27

ـ ﻋقدة الذنب

• ࢪيام الساعدي

• الباࢪت الـ 21

🌼..

ـ گصص تعرگ خجل من چانو الطيبين

شجاها شبيهآ هسه وهالگصص نشفت

الصبح نفس الصبح والليل نفس الليل

الزمن نفس الزمن بس ناسنه اختلفت .

💫🌼...

سمر: شهگت عززا شنو حرگت
اختها لااا جذب تتشاقة شبل
وين اكو وحده تسوي هيج لا
الله عليك گول جاي تجذب عليه
موو گول غيرها..

شبل: حقج اني انصدمت وبنصهم
عايش واعرف بيهم من يا طنيه
حته لو هي مو زينه وسوالفها عوجه
وماينلبس عليها ثوب بس ماتوصل
للڪتل يعني هيج سهل اكتلي روح
ولا منچ وبيج يسويها وب أبشع
طريقه حته العدو وارذل خلق الله
هم مايتجࢪأ ولا تخطر اباله..

سمر: انت گلت لصبوجه عليها وهي
بنت اختها المفروض تلم السالفه من
يمها وتأدبها لو تطلگوها وخل تولي
تروح بحال سبيلها اضرب ارزل اهدد
اسوي اي شي بس مو كتل زين بلا
علياء شلون حرگتها عقلي مجاي يتخيل شلون طبت ع اختها من امها
وابوها واحرگها..

شبل: الحچي عن لسان رنا هي الوحيده بيهن اشوه وعدها ماله الله شويه من
طبيت وشفتها كله مجمعه علياء گاعده
عادي وتباوع بحقد وكنها فرحانه باللي
سوته وامها تبچي بسڪوت والباقين
بس يباوعون واكو مفاوضات شلون
نطم السالفه ونسدها بدون محد يدري
ولا تڪبر والمصيبه الچبيره اني حملت
روحي ذنب موتتها وصار حمل ثگيل
عليه كتم ؏ گلبي زين موقفي گدام
اخويه شلون من يجي ويعرف اڪيد
ماراح تنضم شيفڪر وبيمن يذب
الصوچ بيه لو بمرته لو نخلي الظروف
شماعه بتمرد وخيانات ال سعد وخاصة هاي مو أول مره تصير عدنا
حسيت روحي مربط وخفت لا اخسر
شي اكبر كلشي ولا اخويه الوحيد الي
اشد ظهري بيه واغمض واستريح واني
مأمن ورايه حزام ظهر انتچي عليه..

سمر : من طبيت الكم گلت هذوله
گلب واحد مستحيل احد يگدر يفرق
بينهم ناس تحب ناس بس شويه
شويه شفت العجب عدڪم كلها تضحك وتسولف بس بالگلب شي
ثاني انتوا بس واجهه جذابيه داخلها
خراب بس صوره عليها ابتسامهة بطلب من المصور حته تطلع حلوه
ماتختلفون عنا نفس الشيء احنه
وياكم بس البيوت أسرار والناس الها
الظاهر تركز عليه وتنطي حڪمها..