عُقدة الذَنب

28

ﻋقدة الذنب

• ࢪيام الساعدي

• البارت الـ 28..

🌼..

ـ لمّن عَفتني وانا راجَع
مُثل المتيه گمّت اباوع
شارع يوَديني على شِارع
بويهَ شثگل جدَمة اليوادع
حَسبالي مِن تروح سهله
ومَا أعيش بعَدك هيج ذلة
اليسّألني رايد شيّ شگلة
بيت اهَلي صّاير مَا اندله .

🌼💫..

سمر: لااااا مستحيل تحجي صدگ
دقيقه والله عقلي راح يوگف وتضربني
جلطه ثلاثيه الأبعاد من الصبح..

شبل: اسم الله عليج بگلب عدونيج
تره الشغله تأذيني من احچي بيها
شفتي انمار طلع مايتحمل يسمع أي
ڪلمه من الصار قبل وحته سلمان
ينقهر الشيء مو هين عليه اگولــه
واذڪر تفاصيله بس ضروري اخليج
؏ بينه وتعرفين شنو صار وحقيقه
ڪلشي..

ـ والنبي من البارحه لليوم مو مستوعبه
كميه الأجرام العدكم انتم مافيات عمي
لو عصابات بحياتي مسامعه هيج ولا
شايفه اكو ناس تكتل وتدفن بدم بارد
وترجع تعيش حياتها طبيعي..

شبل : كلمن يحڪم حسب بيئته الي
عايش بيها خلي احچيلج هاي السالفه
هاي مره ولد صاحبي رحت بخطبته
هو بغداد والأبنيه محافظات حب 4
سنوات بالڪليه وراد يختم تخرجه
بالزواج رغم اختلاف مذاهبهم بس هذا
مچان عائق گدام حبهم بهذا اليوم وحق هاي النعمه صفنت وحسدته من
شفته واگف بنص عمامه وگرابته وكلها
دگت ظهرها تگول ناخذها الك شنوو
ماينطوها شواربنه مو علينه اذا ماجبناهه لا تشيل هم وحنه عمامك باوعت شلون ناس مثقفه واعيه والله مبارك بيهم والنسوان گلب ؏ گلب وعدهم الولد والبنات نفس المعزه سويه ماكو تفرقه بينهم ومحتضنيهم
ومحتويهم هذوله بكفه وبالكفه الخ
ال سـعد فرق بين تربيتهم احنه اول
مايبلغ ننطي لوري ونگله هاك استلم
الشارع وتعلم منه ومفهوم الرجوله
عدنا انت رجال صرت يلا صادق نسوان اشرب وجمع فلوس مافد يوم
گالوا هذا عيب.. حرام.. غلط.. ابد
احنه وعينا لگينا الأكبر منه هيج عود
من يڪبر ويدگه الشيب يعرف ربه
والنسوان كارثه الأبنيه اول ماتنولد
ماتعرف بس شغل البيت وامور الزواج
تڪبر وهي تعرف ڪلشي اذا الأساس
يبني غلط مصيره الهدم..

سمر : خلصت حياتي واني احسد
البنات الي بعمري واگول شنو فرقي
عنهم ليش هنه ابوهن يحبهن واني
لا ليش عايشات ويا عوائلهن واني
ويا عائله متفككه واخلصلها ب ليش
وماالگه جواب شافي..

شبل: بڪل مكان موجود شبل وسمر
بس حياتهم تختلف الي بيهم عايش
حياتي طبيعي ومرتاح حاله حال باقي
الناس واڪو العڪس قصه عن قصه
مثل مااڪو عالم الله هاديها وطبيعيه
واڪو الي مثل نوعيتنا واكو وسط
بكل مكان موجود الصالح والطالح
نستغرب وننصدم من تسمعين قصص
بعالم انتي معايشه بيه..