عُقدة الذَنب

38

ﻋقـدة الذنـب

• ريام الساعدي

• البارت الـ 38  ..

💫🦋...

ـ لو يهل وجهك ..
‏إلا أوزع كل بواچي
‏على المحد بِچاله
‏إلا أصوغ السكته إلك
‏ساعي ورساله
‏إلا أطفيلك أيامي
‏مراد جيتك
‏وإنتَ تدري كُحلة
البيبان چفك...

🪻🪻🪻🪻🪻🪻🪻🪻🪻🪻🪻

فرح: فزيت مزعوجه من الصبح
ع اصواتهم گمت من افراشي
رحت غسلت وجهي حته اصحصح
شويه نزلت طلعت بره بالحديقه
شفتها ڪلها مجمعه هناك امي واگفه
تخبز وعمي بصفها مصبح عطت بيهم
ادري هي ديرة عيون من الصبح
والله ماصارلي ساعه من غفيت
شويه هسه وكت تغني يم العيون
السود واصلا امي عيونها عسليات
وينها سويتهم سود

هاشم: بقلاوه عمها اتحملينه شويه
اليوم مزاجي عال العال.. ويم
العيون السود ماجوزن انا خدچ
الگيمر انه تريگ منه واگفه بالباب
تصرخ يالطيف لاني مجنونه ولا
عقلي خفيف من وره التنور ناوشني
الرغيف يا رغيف الحلوه يڪفيني
سنه..

فرح: رفعت تك حاجبي وغمزت
اله گتله عمو هو من شوكت ماجان
مزاجك عال العال العالم كلها لعنت
ابو ڪورنا وأنت گمت تدعي للصين
ودزيتلهم تريله خفافيش ثواب للمرحوم..

هاشم: يستاهلون احفاد جاڪي
شان والنعم وثلث انعام من دگتهم
الناقصه ..

ازهار: استخف بعد استخف
الشايب بيك بلااا...

هاشم: منو الشايب؟ اني دتعاي
نتزوج واشوفج منو..

ـ يااا صدك ماتستحي انت ولا
تگول رجال چبير..

فرح: هاا عمو شكووو نحن هنااا

هاشم: سنين ارتب بالسفينه وتالي غيري يصير نوح

ازهار: عساك غرگت ويا الغرگو..

ـ زهره الگلب.. تتزوجيني..

ـ يبووو ع حظي

ـ هم رجعت تولول تشتري الحزن
شرايه لو يطير..

ـ ماازوجك يلا..

ـ وراج والزمن طويل وبالي هم
فروحه يلاا بقلاه عمها شلون
جايبلج ڪاهي وگيمر يلووگ
لهل حلگ تعاي نتريك سوه
ونبلش ندرس ماضل شي لأمتحاناتج..

فرح: يبوو والله طلعت روحي من
شيء اسمه دراسه  ..

ـ هاا عمو هاي بدايته ضجتي خوش
بطلي واني اصرف عليج.