ﻑِ ﺍﻟﺤُﺐ ﻧﻤﺘَﻠﻚ ﭐﺭﻭَﺍﺣﺎً ﭐﺧﺮَﻯ ﻧَﻬﺘﻢُ ﺑﻬَﺎ ﭐﻛﺜَﺮ ﻣِﻦ ﭐﺭﻭَﺍﺣﻨﺎ.....
.
في حارة الباجوري...
في الصباح...
تستقيظ خلود علي صوت خناقه أم محمود جارتهم مع جارتهم اعتماد اللي ساكنه تحتها، عشان غسيل ام محمود نقط علي غسيلها.
ام محمود بصوت عالي: كده يااعتماد يامقشفه تقولي علي غسيلي وسخ، ده انا غسلها بكيس مسحوق من ابو خمسه جنيه، امال ايه ياختي.
اعتماد بصوت عالي: انا مقشفه، تعالي شوفي غسيلي اللي اتوسخ من غسيلك الوسخ، والراجل عايز ينزل الشغل هيلبس ايه ياختي.
تقوم من الفراش وتضع الطرحه علي وشعرها البني الطويل وتقف في شباك غرفتها وتقول بصوت
عالي: يافتاح ياعليم، ليه الخناق علي الصبح ياختي انتي وهي؟.
أم محمود بصوت عالي: ادخلي يابت ياخوخه، لازم ارد عليها، واعرفها قيمتها.
خوخه بغيظ: عايزه انام ياأم محمود، مش كل يوم اصحي علي خناقتكم.
اعتماد بحزن: يرضيكي ياخوخه غسيلي اللي تعبت فيه يتوسخ كده.
خوخه لام محمود: الست اعتماد عندها حق، لازم نراعي حق الجيره، قبل ماتنشري، ابعتي الواد محمود ينبه الست اعتماد.
أم محمود بغيظ: يعني طلعت انا اللي غلطانه.
خوخه بغيظ: نعم غلطتي ياأم محمود و لمي الدور بقا مش كل شويه اصتبح علي خناقه،انا واحده شقيانه ولازم تترتاح.
أعتماد بحب: روحي ارتاحي ياخوخه وانا هرد علي أبو محمود.
تدخل خوخه من الشباك وبغيظ تقلع الطرحه وتقول لنفسها وهي تخرج من غرفتها وتذهب باتجاه الحمام: هو الواحد بدل مايصحي علي صباح الخير، يصحي علي صوت خناقه أم محمود واعتماد، امتي ربنا يتوب علينا من الحارة دي وقرفها.
أمل بضحك: صباح الورد والياسمين على حبيب قلبي، خير ماشيه تكلمي نفسك ليه.
خوخه بحزن: ما انتي سامعه ياما الجيران.
أمل بضحك: احنا كل يوم كده يابنتي ايه الجديد هه.. هه.
خوخه بضحك: عندك حق يااموله، هدخل الحمام واخرج افطر معاكي قبل ماانزل الشغل.
بعد دقيقتين....
تجلس خوخه علي تربيز صغيره وتجلس امل والدتها امامها علي الكرسي الاخر...
خوخه بحب: الله ياماما الطعميه سخنه.
أمل بحب: بالهنا والشفاء يابنتي، كلي كويس عشان تصلبي طولك طول النهار في الشغل.
خوخه بحب: ربنا يخليكي ليا وميحرمنيش منك يارب.
خوخه بتسائل: هو لسه صاحب المحل بيغلس عليكي.
خوخه بغيظ: ده راجل عقله طار وبيشوف نفسه عليا وكل شويه يحاول معايا، مرة هتجوزك عرفي ومرة هاجي اطلبك من والدتك، عايز يتجوز واحده قد عياله.
أمل بخوف: وهتعملي ايه يابنتي؟.
خوخه بحب: ماتقلقي عليا ياست الكل، بنتك بميه راجل، انا هقوم اجهز نفسي، عشان اروح افتح المحل.
بعد دخول خوخه غرفتها....
أمل بحب: ربنا يبعد عنك كل شر يارب..
في فيلا العامري...
يستيقظ زين مبكرا لينظر الي زوجته الملاك النائمه ويقبلها بحنان وينهض ليجهز نفسه للذهاب لعمله...
في محل ملابس...
هو عبارة عن محل في منطقه شعبيه وصاحبه راجل في العقد الخامس....
تجلس( خلود) خوخه علي كرسي بداخل المحل منتظرة مجيء اي زبون للشراء....
فجأ يدخل مختار صاحب المحل وبصوت شبه
عالي:صباح الورد والياسمين على عيونك الحلوين دول.
خوخه بغيظ: صباح الخير ياحج مختار.
مختار بحزن: قولي مختار بس.
خوخه بسخريه: ودي تجي انا واحده متعلمه ومتربيه واعرف الاصول ياحج مختار وانت واحد قد ابويا.
مختار بحزن: قد ابوكي ياخوخه ماشي عملتي اللي قولتلك عليه امبارح.
خوخه بغيظ: اه ياحج طلعت الهدوم من المخزن وعلقتها علي الشمعاعات اهي هنالك.
مختار بحب: نفسي ترضي عني ياجميل وانا استتك وهنيكي.
خوخه بغيظ لنفسها: روح بص لوشك في المرايه دي خلقه الواحد يصتبح بيها كل يوم.
مختار بحب: اللي واخد عقلك ياجميل.
خوخه بغيظ: اكيد الشغل ياحج، انا هروح المخزن اطلع باقي الهدوم وعلقها عن اذنك.
مختار بحب: بكره تحني عليا وتوافقي..
أنت تقرأ
كيف احب شبيهتها ❤️🩹؟...
General Fictionباللغة العاميه.. ماذا يحدث عندما تموت من تحبها، هل ينتهي الحب؟.. نعم لن يموت الحب بموت شريك الحياة، بل سيحيا وسيبقى في وجدان الطرف الآخر ما دام أنه قد أحبه بصدق وعاش معه بضمير يقظ، بل سيتوج الحب بالإخلاص، نعم فما أجمل الإخلاص بعد رحيل الأحبة، فهو...
