ادعوا لاخواتنا في فلسطين...
بعد كام يوم...
خوخه بفرحه: شوفي ياهنا اليونفورم بتاعي.
هنا باعجاب: بسم الله ماشاء هياكل منك حته، بتشجعني البس زيك ياخوخه.
عفاف بغيظ: مش خسارة الجمال ده يندفن تحت الحجاب والهدوم الواسعه دي ناس فقريه، يالله انا مالي انا هروح اضبط مكياجي النهارده يوم مهم وترحل.
تلتف خوخه لهنا: وتقول في ايه النهارده؟.
هنا بحزن: هدت حيل ياختي، حفله الست ريري عامله حفله عشان حاجه مهم في شغل سامر بيه لكن انتي عارفه طبعا الشغل كله علي دماغي، عفاف تفضل تروح وتجي تشيل صنيه واتنين تقدمهم وبعد مالمولد ينفض انا اللي بشيل الليلة كلها لوحدي غير بقا وجع الدماغ منها شفتي فلان بيبصلي ازاي ولا فلان عاكسني اف هقول ايه ربنا يهديها، فكرة العريس الغني واكله دماغها.
خوخه بحب: انا هساعدك لكن كده هتاخر، لازم اكلم ماما واعرفها.
هنا بحب: ربنا يخليكي ليا والله انا اول ماشفتك قولت عليكي بنت حلال وماتقلقي يوم الحفله الست ريري بتبعت السواق يوصلنا عشان انتي عارفه الوقت بيكون متاخر ومفيش مواصلات، روحي طمني والدتك.
بعد قليل تغلق خوخه الهاتف وتقول لهنا: اخيرا وافقت بقالي ساعه بحاول اقنعها.
هنا بحب: اكيد بتحبك وخايفه عليكي.
خوخه بحب: عارفه لكن اعمل ايه في يوم الحفل هو لازم نتاخر يعني.
هنا بضحك: يعني المعازيم هيروحوا بدري عشان يلحقوا يصلوا العشاء مثلا هههههههه، دول ناس كبرات في البلد ورجال اعمال، اصل سامر بيه راجل اعمال كبير اوي والشغل كله بيمشي كده حفلات وسهر.
خوخه بضحك: عشنا وشفنا شغل بيمشي بالحفلات ههههه.
هنا بحب: والله الست ريري طيبه وبتحاول تشيل شويه من علينا ساعات بتطلب الاكل من برة واحيانا بتطلب مني اعمل اصناف معينه علي حسب ذوق البهوات واهي الليله بتعدي علي خير وكله اكل عيش.
خوخه بحب: تحبي اساعدك في حاجه، انا واقفه ومش ورايا حاجه وعلي فكره انا ست بيت شاطرة اوي واعجبك.
هنا بحب: لا خليكي مرتاحه دلوقتي بالليل الشغل هيتعبك واياكي تمشي وراء عفاف مفيش حد منهم هيبصوا لخدم زينا وكل اللي بتعمله ملهوش فايده، البيه منهم اخرة واحده من المستوي بتاعه.
خوخه بحب: غلبت افهمها واوعيها ياهنا والله لولا اني عارفها من زمان كنت قولت عليها واحده تانيه.
هنا بحب: ربنا يهديها وفجأة تدخل عفاف وقد وضعت طبقة اخري من المكياج لتنظر هنا لخوخه والاثنان في نفس الوقت يضحكان.
أنت تقرأ
كيف احب شبيهتها ❤️🩹؟...
General Fictionباللغة العاميه.. ماذا يحدث عندما تموت من تحبها، هل ينتهي الحب؟.. نعم لن يموت الحب بموت شريك الحياة، بل سيحيا وسيبقى في وجدان الطرف الآخر ما دام أنه قد أحبه بصدق وعاش معه بضمير يقظ، بل سيتوج الحب بالإخلاص، نعم فما أجمل الإخلاص بعد رحيل الأحبة، فهو...
