ادعوا لاخواتنا في فلسطين والسودان....
في اليوم التالي..
في حاره شعبيه وتحديدا علي قهوه المعلم زهدي...
يجلس الحاج رضوان بجديه: بقولك بنتك جاي لها عريس كويس وابن حلال ومحترم .
الاسطي عاطف بغيظ: عريس اش جاب الريح من البلاط والعريس مش المفروض ياحج يجي يطلبها من ابوها، مش هي دي الاصول برضو.
الحج رضوان بهدوء: العريس جه امبارح في وجودي للست امل واحنا ماكنا عرفين حاجه احنا اتفاجنا بطلبه وروحت النهارده سالت البواب وناس شغالين حوليه وعرفت انه عريس محترم.
الاسطي عاطف بسرعه: محترم ولا الكلمه الاخير ليا اه لازم يجي ويطلبها مني وانا ارفض او اوفق، انا ابوها وليا الحق ولا ايه ياحج رضوان.
الحج رضوان بغيظ: بنتك زي بناتي يااسطي ولازم تديها فرصه تفكر وواجبك كاب تسالها وتاخد رايها،الحكايه مش لعبه ده جواز وبعدين انا مش غريب خوخه زي بنتي .
الاسطي عاطف بحرج: مانا عارف الاصول ياحج، العريس بيشتغل ايه وياتري عنده شقه ولا كحتي وهيعيشها في ايجار.
الحج رضوان بهدوء: ماتقلق من ناحية الفلوس العريس مش محتاج وهو بيشتغل مهندس.
الاسطي عاطف بسرعه: مهندس خريج كليات يعني ماعنده صنعه وتقولي ماتقلق من ناحية الفلوس وفي الاخر طلع كحيان وهيعيشها ايجار .
الحج رضوان بغيظ: اسمع ياعاطف انا لحد دلوقتي ماسك نفسي بالعافيه، بنتك لو رضيت ووافقت علي العريس انا بنفسي هجوزها له اهو احسن من البرشامجي بياع المخدرات اللي اتسجن ولا المعلم زهدي ويلتفت وينظر للراجل العجوز اللي قاعد علي مكتبه في منتصف القهوه ويبدو عليه الشيب والتعب ويلتفت للعاطف ويقول بغيظ وبنتك خوخه انا اللي ربتها ولا ناسي يااسطي الاب اللي ربي ولا اللي رمي ولا سال.
الاسطي عاطف بسرعه: لا هتفضل خوخه بنتي من لحمي ودمي وان كنت طلقت امها فالبت...
الحج رضوان بغضب: كنت عايز الست امل تجي تبوس رجليك عشان تصرف علي بنتك، بصراحه الست عداها الخير رفضت تشحططتك في المحاكم وصرفت علي بنتها من شغلها وتعبها، وبصراحه يااسطي عاطف من زمان كان في كلمه نفسي اقولها لك وبكره هتعرف قيمتها.
الاسطي عاطف بسرعه خير ياحج رضوان؟.
الحج رضوان وهو يلم اشياءه وينهض: خسارتك يااسطي عاطف انك اشتريت الرخيص بالغالي ويرحل.
الاسطي عاطف بغيظ: مين الرخيص ومين الغالي، الراجل كبر وبيخرف، ماشي ياامل بنتك يجي لها عربس من ورايا وبدل ماتكبرني، روحتي كبرتي الحج رضوان وخلتي اللي يسوي ومايسوي يكلمني كده.
بعد مرور ساعة....
امل بفرحه: بجد ياحج رضوان طلع محترم وابن ناس.
الحج رضوان والله عشان خاطرتك يام خوخه وعشان خاطر خوخه نزلت النهارده وسالت البواب وواحد بيشتغل في الفيلا بستاني، العريس بسم الله غني ومعاه فلوس كتير وبيته لوحده قد الحاره كلها وفوق كل ده محترم واهله ناس محترمين والست والدته يشهد عليها بالطيبه، وبلغت الاسطي عاطف من شويه وعرفته ودلوقتي مستني رد بنتك خوخه وعلي طول هكلم العريس واعطيه موافقتي.
أنت تقرأ
كيف احب شبيهتها ❤️🩹؟...
Fiction généraleباللغة العاميه.. ماذا يحدث عندما تموت من تحبها، هل ينتهي الحب؟.. نعم لن يموت الحب بموت شريك الحياة، بل سيحيا وسيبقى في وجدان الطرف الآخر ما دام أنه قد أحبه بصدق وعاش معه بضمير يقظ، بل سيتوج الحب بالإخلاص، نعم فما أجمل الإخلاص بعد رحيل الأحبة، فهو...
