ادعوا لاخواتنا في فلسطين 🇵🇸....
لا حول ولاقوة الابالله العلي العظيم 🌺...
في شقه خلود....
بعد مرور ساعه
خوخه بحيره: انا مش مصدقه ياعفاف زين بيه جه المستشفى ودفع الحساب وكمان ساب العربيه توصلني لحد البيت، مايمكن كان رايح يزور حد من قرايبه وقال يعمل معانا الواجب ويسيب العربيه بتاعته توصلنا.
عفاف بجديه: قرايبه ، انتي عايزه تشلني يابت البيه وقرايبه هيروحوا مستشفى حكومي وبعدين انا سمعته بودني اللي هياكلها الدود بيقول لخالتي امل انه عايز يتكلم معاها في حاجه مهم وطلب يجي لهنا ويقابلها.
خوخه بحيره: هيعوز امي في ايه ياتري؟.
عفاف بجديه:اه قبل ماامشي الست ريري كلمتني وانتي في المستشفى وعرفت اللي حصل واعطنتي اجازه النهارده وانتي اجازه لحد لما تقومي بالسلامه.
خوخه بابتسامه: ربنا يخليها لنا يارب والله ست طيبه.
عفاف بتعب: انا هقوم اروح ولو احتاجتي حاجه كلميني ومسافه مالبس العبايه هتلاقني في وشك.
خوخه بحب: مش عارفه اقولك ايه ياعفاف علي وقفتك جنبي و...
عفاف بحب: احنا اخوات يابت وبعدين من راي ماتسكتي لمرات ابوكي وتخدي حقك منها والا في الراحه والجايه هتمسكك شكل.
خوخه بحزن: ربنا ينتقم منها، انا وامي ياعفاف عايزين نعيش جنب الحيط وابويا اكيد هيقف في صفها.
عفاف بغيظ: مرة حربايه صح والله لو وقعت تحت ايدي لاكون معرفها قيمتها.
وفي شقه الاسطي عاطف...
سلمي بغيظ: سبتيها تجيب في سيرتي قدام الحاره ياما.
زهرة بغضب: اصبري وبكرة امك هتجيب لك حقك وحقي.
يدخل الاسطي عاطف من باب الشقه ويقول ببرود: حق ايه يازهرة، البنت دمها اتصفي في نص الحاره وخدت كام غرزه في دماعها وانتي اللي روحتي بنفسك وقطعتي عليها الطريق وجيبتي في سريتها قدام الخلق.
زهرة بمكر: كنت عايزه اكسر عينها ياسي عاطف واخليها توافق علي الجواز،مش ده اللي كنت عايزه.
عاطف بغضب: تكسري عين مين ياوليه، انتي ناسيه انها بنتي ومن لحمي ودمي واللي يمسها يمسني، انا كنت مفكر يازهرة ان دماغك ده الماظ وهتلاقي حل عشان البنت توافق لكن دلوقتي حتي المعلم زهدي بعد اللي حصل وسيرته اللي جت في الحارة قصاد الخلق رفض الجواز ،ياعني معاد ليه فايده والحسنه اللي كانت هتطلع من المعلم راحت وكل حاجه انتهت.
زهرة بحزن: ياعني انا كنت اعرف ان ده اللي هيحصل ياسي عاطف، انا كان قصدي خير واالله ههههي.
الاسطي عاطف بغيظ: انا داخل اريح دماغي جوه ولما الاكل يجهز ابقي نادي عليا ويدخل ويرزع الباب بقوه.
أنت تقرأ
كيف احب شبيهتها ❤️🩹؟...
Ficción Generalباللغة العاميه.. ماذا يحدث عندما تموت من تحبها، هل ينتهي الحب؟.. نعم لن يموت الحب بموت شريك الحياة، بل سيحيا وسيبقى في وجدان الطرف الآخر ما دام أنه قد أحبه بصدق وعاش معه بضمير يقظ، بل سيتوج الحب بالإخلاص، نعم فما أجمل الإخلاص بعد رحيل الأحبة، فهو...
