لا تنسوا الدعاء لاخواتنا في فلسطين 🇵🇸....
في حاره شعبيه.....
في وقت الظهيره تسمع امل صوت طرق علي الباب فتقوم لتفتح الباب للتتفاجا بطليقها الاسطي عاطف.
الاسطي عاطف بسخريه: اكيد مش هفضل واقف علي الباب كتير.
امل بغيظ: بنتك في الشغل ومفيش غيري ومفيش بينا حاجه عشان ادخلك البيت،قصره عايز ايه؟.
عاطف بغيظ: انا جاي اكلمك في موضوع مهم لبنتك وبعدين ياام خوخه افتكري ان كان في يوم من الايام كنت جوزك وابو بنتك وعيب اجي واتكلم من علي الباب.
امل بسخرية: كنت يعني مفيش حاجه بينا دلوقتي،انجز وخلص،عايز الحق الحق احضر لقمه لبنتي.
عاطف لنفسه مره عقربه صح يالله اقول لها من علي الباب وامشي ويبص لها نظرات حاده ويقول لها
بجديه:بنتك جاي لها عريس و...
امل بضحك : ياما جاب الغراب لامه، والمرة دي بقا بياع مخدرات زي الشمول اللي قبله ولا رد سجون ههه.
عاطف ببرود: يعني انا كنت اعرف انه هيتسجن ياوليه وبعدين انا عايز اخلص من بنتك اقصد اجوزها واطمن عليها والعريس المرة دي متريش وهنوبنا اقصد ينوبك من الحب جانب.
امل بغيظ: بقولك ايه يااسطي، بنتك اللي رمتها في حجري وروحت اتجوزت ولا سالت فيها انسها احسن، بنتي بكرة ربنا هيرزقها بواحد ابن حلال متعلم مش شمام.
عاطف وهو يحاول السيطرة على اعصابه: مش تعرفي مين العريس الاول وبعدين تحكمي.
امل بسخرية: قول واشجيني.
عاطف بجديه: المعلم زهدي.
امل بصدمه: المعلم زهدي صاحب القهوه ولا واحد تاني.
عاطف بسرعه: لا هو ياختي، هو فيه غيره في الحاره وعايز بنتك بشنطه هدمها وهيسكنها في شقه لوحدها مطرحين وصاله وحمام وكمان هيشطبها لوكس وهيجيب الفرش كله من دمياط و...
امل بصوت عالي: اللحقوني ياناس عايز تجوز بنتي لواحد اكبر منك ياراجل ومتجوز ومعاه قورتت عيال ياراجل ياناقص هو في واحد يوقع بنته الواقعه السوده دي ويوافق.
عاطف بغضب: ماتوطي صوتك ياوليه الجيران هتتلم وبعدين هو فيه احسن من الجواز والسترة وبعدين انتي فاكرة البرنسيسه بنتك هتجوز مين رئيس وزراء يعني.
امل بحده: ابعد عن بنتي ياعاطف والا وربنا لاكون لاما عليك وعلي المعلم الشايب اللي بيفكر في واحده من دور بناته الحاره واخلي اللي مايشتري يتفرج، هو فيه حيل يفكر في الجواز الشايب العايب ده اللي في سنه بيفكر في اخرته.
عاطف بغيظ: هتلمي الحارة عليا يامرة ياخرافانه، خوخه بنتي وانا حر اجوزها لمين.
امل بسخرية: لا مش حر يااسطي بنتك دلوقتي كبرت ومن حقها تختار وتوافق وترفض.
أنت تقرأ
كيف احب شبيهتها ❤️🩹؟...
General Fictionباللغة العاميه.. ماذا يحدث عندما تموت من تحبها، هل ينتهي الحب؟.. نعم لن يموت الحب بموت شريك الحياة، بل سيحيا وسيبقى في وجدان الطرف الآخر ما دام أنه قد أحبه بصدق وعاش معه بضمير يقظ، بل سيتوج الحب بالإخلاص، نعم فما أجمل الإخلاص بعد رحيل الأحبة، فهو...
