يخطئ القلب لحظه..فـيعاقبه العقل سنين..
في حارة الباجوري...
بعد انتهاء خوخه من العمل في المحل تذهب الي السوق لتشتري بعض طلبات البيت وفي طريقها الي بيتها تحمل بعض اكياس الفاكهه والحضار... وتمر امام القهوه..
محسن بشوق يلمحها تقترب منه فيقوم من مكان بسرعه
ويقترب منها ويقول: ماتجبي اشيل عنك الكياس دي ياخوخه.
خوخه بغيظ: شكرا مش عايزه خدماتك.
محسن بحب: انا شاري والله شاري وجيبي عمران ومستعد اتقلك بالذهب.
خوخه بغيظ: هتروح لطريقك يامحسن والا افرج عليك الحارة واخلي اللي مايشتري يتفرج.
محسن بحب: بكرة توافقي ونتجوز ياخوخه.
خوخه بغيظ: لما تشوف حلمه ودنك ياشمام، وتعطيه ظهرها وترحل..
يرجع محسن للقهوه ليجلس علي كرسي القهوه وامامه صاصا صاحبه اللي ممسك بيديه كوبايه شاي والاخري جوزة.
صاصا بحب: ماتسيبك من بنت الاسطي عاطف، البنت منفض لك وكل يومين تفرج عليك الحارة.
محسن بغيظ: اسيبها ازاي ياصاحبي، البت زي بتوع السيما، عيون زرقا وشفايف زي التفاح وجسم ايه ملفوف لفه ااااه ياصحبي سيبك من لبسها الواسع، بس شوف بقا لو لبست قميص نوم شفتشي كده وحطت شويه احمر صاروخ.
صاصا: عندك حق البت حلوه لكن دماغها ناشف.
محسن: روحت اطلبتها من ابوها في ورشته، الراجل مش فارق معاها البنت تتجوز ولا لا، ويقول روح اطلبها من امها.
صاصا بضحك: خايف يدفع حاجه في جوازة بنته ههه.. هه.
محسن بغيظ: انا قولت له انا شاري وعايزها بشنطه هدومها.
صاصا: ورد عليك بأيه؟.
محسن بغيظ: قال انا سبتها لامها وماليش دعوه بيهم.
صاصا بضحك: الاسطي عاطف ضايعه معاه هه.. هه..
محسن بغيظ: واروح اطلبها من امها، تقوم تقول ازاي اجوز بنتي لبرشامجي والحارة كلها عارفه سمعته الزبالة.
صاصا بضحك: قالت عليك برشامجي ههه.. هه.
محسن بغيظ: انا راجل ببيع علاج ياصحبي، البرشام ده بيكيف الراجل ويخليه يقدر يكمل حياته، طب والله انا احسن من الدكاترة علي الاقل مش بطلب فيزتا بالشيء الفلاني.
صاصا بحب: وهتعمل ايه ياصحبي؟.
محسن: اهو بحاول اجر ناعم معاها يمكن توافق.
في شقه خوخه....
تدخل خوخه من الباب بغضب وتضع الاكياس علي الطاولة الصغيرة.
امل بحب: مالك يابنتي مين اللي مزعلك كده.
خوخه بغضب: محسن بياع البرشام وقفني في الطريق وبيجر معايا ناعم ياماما.
أمل بغضب: هو لسه بيفكر يتجوزك.
خوخه بحزن: تذهب الي حضن امها انا تعبت ياماما، ابويا ناسي اللي عنده بنت ومش فارق معاه غير مراته وعياله.
امل بحزن: ربنا موجود يابنتي، وابوكي ماصدق طلقني واتجوز وخلف الولد اللي كان نفسه فيه ونسي انه كان متجوز ومخلف.
خوخه بحزن: مش عارفه ياماما جايب القسوة دي منين.
امل بدموع: روحي غيري هدوك واغسلي ايدك وانا اقوم احط الاكل ونتغدي، وبتاع البرشام ده سبيه عليا، امك لسه عايشه علي وش الدنيا.
خوخه بحب: ربنا يخليكي ليا وميحرمنيش منك ابدا.
في فيلا العامري...
انجي بحزن: كده يازين ناسي والدتك، انت عارف يابني انا عايشه لوحدي ونفسي تجي تزورني وتعقد معاي انت ومراتك.
زين بحزن: انا اعمل ايه ياماما انتي رافضه تجي تعيشي معانا وكمان لسه زعلانه من نرمين مراتي.
انجي بحزن: انا نفسي اشوف حفيد صغير والعب معاه، لما عرفت من نرمين انها رافضه فكره الخلفه، اكيد كان لازم ازعل يابني.
زين بحب: انا هحاول اقنع نرمين ياماما بنفسي، نجيب طفل واحد دلوقتي، عشان نقدر نعيش حياتنا براحتنا.
انجي بفرحه: بجد يازين.
زين بحب: يقبل يدي والدته، بجد ياماما، انا كمان نفسي اكون اب.
انجي بسعاده: ربنا يخليك ليا يارب.
زين بحب: نرمين عامله حفله في الڤلا اخر الاسبوع، عشان ذكرى جوازنا التانيه.
انجي بسعاده: كل سنه وانت طيب يابني.
زين بحب: طبعا لازم تجي الحفله ياماما، انا عايز الزعل اللي بينك وبين نرمين ينتهي.
انجي بحب: حاضر يابني، تحب تتغدي معاي النهارده.
زين بحب: ياريت ياماما انا وحشني الاكل المصري وخصوصا من ايديك.
أنت تقرأ
كيف احب شبيهتها ❤️🩹؟...
Ficción Generalباللغة العاميه.. ماذا يحدث عندما تموت من تحبها، هل ينتهي الحب؟.. نعم لن يموت الحب بموت شريك الحياة، بل سيحيا وسيبقى في وجدان الطرف الآخر ما دام أنه قد أحبه بصدق وعاش معه بضمير يقظ، بل سيتوج الحب بالإخلاص، نعم فما أجمل الإخلاص بعد رحيل الأحبة، فهو...
